Popular Bible Verses from Luke 5

Share

Iskutak maak kaa chiish ayimit Jesus chii iteu aniyuu Simon, “Mushaauhamukw anite e chiishkaayiwaach che pakashtawehekuch chitahiipiiwaauch.”

Simon maak chii nishkweushiheu e itaat, “Chischinuhamaacheu, iskan tipiskaau nichii nuutamesenaan, namui maak nuuhchi pitahuyaanaan. Eyuwehch maak nika pakashtawehwaanaanich nitahiipiinaanich wesh ekun e iishiyaahch chechii ihtiyaahch.” Iskutak maak kaa pakashtawehwaatwaau utahiipiiwaau chii ati piikupayuuh utahiipiiwaauh kaa ishpish chii mista pitahuyaatwaau.

Chii ituhteu maak maan Jesus anite pakwaatiskamikaahch ekw kaa chii ayimihaat.

Namui anichii kaa kuiskutaatisiitwaau wehchi takushiniyaan. Nichii takushin chechii nituumakwaau umachihtwaauch chechii kweskaatisiitwaau.”

Iskutak maak Simon Peter wiyaapahtahk e ispayiyich chii uchihchiihkunipayihuu uhchishkuu Jesus e ihtaayich, e itwet, “Nakasi, Utipeyihchikeu, wesh nimachaatisiin.”

Jesus maak chii nishkweushihiiweu e itwet, “Namui nituweyimeuch nituhkuiin anichii awenichii ekaa kaa aahkusitwaau, mikw anichii kaa aahkusitwaau eukunich netuweyimaatwaau nituhkuiin.

Chii seschipitamuch maak uchiimaanuwaauh kaa nakatahkwaau misiwe chekwaayuu anit, ekw kaa wiichewaatwaau Jesus.

Mekwaach maak Jesus e ihtaat anite peyakw aniyuu ihtaawiniyuu chii ihtaau naapeu anit umichiiwaaspinewiniyuu e maayaataniyich e ayaat misiwe e ispichishtit. Iskutak maak wiyaapamaat Jesus chii utihtipayihuu anite e ihtaayich, ekw naashch kaa nituweyimaat chechii wiichihiikut, e itaat, “Utipeyihchikeu, wii pechi wiichihiine chika chii ihtuuten chechii payehtisiyaan.” Jesus maak chii shuwanischeyuu kaa taahtinaat e itaat, “Chiwii wiichihiitin. Payehchisiih.” Tiiwehch maak chii miinuwaatisiyuu aniyuu kaa itaaspinet an naapeu.

Chii mishihtepayuu maak Jesus e itaachimaakanuut. Mihchetu maak aweyuuh chii pechi nituwaapamikuu e wii nituhtaakut kaye e wii miinuwaachihiikusiyich.