Popular Bible Verses from GENESIS 17

Share

Abram sung takua kum takua he cih tuh BAWIPAW nynh amaw kya langkuh zah, “Kae tuh Athunghuapaw Pachia nynh ka thua; ka malang khe cceih lah ccaenaw um lei lante um.

Na min tuh Abram thua vae leite Abraham na cikuh vae cih; pawccecize nang kha minphuin patae hae thokeinaw paaw lang kae rae vae.

Ka byakinnaw tuh kae te nang laku, namaw koute na ciihan hae mih she takyh kya ka tynsah cih, pawccecize namaw te na ciihan hae Pachia ka thua cih, tuh-e tuh zungzae tynpaw byakinnaw nynh thua.

Pachia nynh, “Hynh-e hynh na hanlan ka byakinnaw nynh thua: Nang tuh minphuin patae hae thokeinaw paaw na thua cih.

Pachia nynh, “Tuhte thua khyh, na zu Sarah nynh ccapaw lu kheit ae saahpah cih zah Isak cite min na phu cih. Amaw te amaw koute a ciihan hae hanlan zungzae tynpaw byakinnaw lang ka byakinnaw kha ka tynsah cih.

Atu ramccang ccungccaw lang na tangnaw oh Kanaan ram balyn hynh nang te namaw koute na ciihan hae kalan zungzae hanlan kae pya cih oh; te kae tuh mih Pachia ka thua cih,” a ci.

Te Abraham tuh baling zah a nuin, te Abraham nynh, “Kum za kheit acih vae paw pise nynh ccaawsaah kho ung vema? Kum sung takua acih vae paw Sarah nynh ccaawsaah kho ung vema?” cite amaw te amaw kha a ciku.

Pachia nynh Abraham kha, “Na zu Sarai kha Sarai cite na ko vae lan khyh, a min tuh Sarah a cikuh vae cih.

Nae vingdung e ngesaw kha na awkuh cih oh, tuh-e tuh kae te nang laku byakinnaw muihsahnaw athua cih.

Thuasalama khuavae atu ccyh kya Sarah nynh ae saahpah cih paw Isak kyakhe ka byakinnaw kha ka tynsah cih,” a cipya.

Nae she takyh kya-e ccapise miakaw, nae inn e see kyate a puipaw thuasah, nae ciihan athua leipaw ramccang ccungccaw kya-e phua te na re oh paw lukhakheit thuasah, nin tarya he acih te vingdungaw athua cih. Nae inn e see kyate a puipaw te nae phua te na re oh paw kha vingdungaw athua cih hae. Tukeiccuze nae ngesaw kya ka byakinnaw tuh zungzae tynpaw byakinnaw athua cih.