Te Pachia nynh Abimelek a maan kyakhe, “Athua, adingpaw na thinlung te nynh hynh-e hynh na cyi cipaw ka ny; tuh apiaze kamaw kha rawsete na sei khyh nawlan kae tuh ae thungkhawpaw nynh ka thua. Tukeiccuze aning kha kae ty sah khyh. Atu Abraham zu kha amaw kalan bua pya ccavae; pawccecize aning tuh profeh nynh thua, aning nynh namaw hanlan saw ae sangpah cih zah na hiin cih. Thuasalama nang nynh amaw kha bua na pya khyh zetuh nang te na umkheih oh paw balyn na chih ccaccing cih oh cipaw kha nytua,” a cipya.