Popular Bible Verses from GENESIS 22

Share

Tukeiccuze Abraham nynh tuh-e hmin kha, “Jehovah-jireh,” cite min a phu; atu she cia zemah, “BAWIPAW mua vawlan tuh-e tuh paccynpya athua cih,” a ci hae.

Pachia nynh, “Na sungsahpaw na ccapaw, lu kheit kyalyapaw Isak kha hoei lah Moriah ram lang cciatua, te kae muihsah cih paw mua muakheit vawlan khe Isak khate maee-ute silawnaw kha raetua,” a ci.

Vaaw ccungccapaw nynh, “Imuapaw tungvaw na kuih hang nan, amaw kha pawpaw mah cyih nan; nang nynh Pachia kha na ri cipaw atu ka ny, pawccecize na ccapaw lu kheit kyalyapaw kha kamaw hanlan na hysah,” a ci.

Abraham nynh, “Ka ccapaw, maee-ute silawnaw lanpaw tuutaw kha Pachia nynh oun pya cih,” cipah zah mih lu ning te pynkheihlan a cceih hae.

nang kha hythua kae pya ccaccing cih, na ciihan kha vaawlui kya-e awsi zeih, te rili kin umpaw laesia zeih alung lan kae pungthungsah cih. Te na ciihan nynh mih rhaw hae khua koikua kha a uk cih hae, te na ciihan liate laephi vaw e minphuin balyn hythuanaw a ccou cih hae, pawccecize ka kaw kha na ngae vae,” a ci.

Tukoute Pachia nynh Abraham kha a syntawtua. Pachia nynh, “Abraham,” cite ko zah Abraham nynh, “Hein kya mang ka um,” a ci.

Thuasalama BAWIPAW vaawpaw nynh vaawlang te, “Abraham, Abraham!” cite ko zah Abraham nynh, “Hein kya mang ka um,” a ci.

Te BAWIPAW vaawpaw nynh Abraham kha vaawlang te vaeningnaw ko zah, “BAWIPAW nynh kamaw min ccaccei te byakinnaw ka rae cih ci zah hynhte a ho: Nang nynh na ccapaw lu kheit kyalyapaw kha kamaw hanlan na hysah zah hynh-e hynh na cyi keiccuze

Pachia nynh a la langsahpyapaw hmin kya a thua hae tuh, Abraham nynh silawhang ccangkheit kha rae zah maeething kha a khang. A ccapaw Isak kha he zah silawhang vawlan umpaw maeething vawlan khe a nung.