Popular Bible Verses from Kufuma 20

Share

“Ine ndine FUMU, Chiuta wako, uyo wakakufumya mu Eguputo, charu cha uzga. “Ungaŵanga na ŵachiuta ŵanyakhe pa dera pa ine.

“Ungajipangiranga chikozgo chakuŵaja, panji chikozgo cha kanthu kalikose ako kali kuchanya, panji ako kali pasi pa charu, panji ako kali mu maji pasi pa charu. Ungajikamiranga chikozgo chilichose panji nesi kuchilambira. Pakuti ine FUMU, Chiuta wako ndine Chiuta wa sanje wakulanga ŵana chifukwa cha maubendezi gha ŵawiskewo kuya kafika ku muwiro wa chitatu na wa chinayi wa awo ŵakunditinkha.

“Chindika ŵawuso na ŵanyoko mwakuti mazuŵa ghako ghaŵe ghanandi mu charu icho FUMU, Chiuta wako wakukupa iwe.

“Kumbuka zuŵa la Sabata, na kulipatula.

“Ungazunuranga zina la FUMU, Chiuta wako pa waka. Pakuti FUMU kuti yiti yirekenge kumupa mrandu chara, yose uyo wakuzunura zina lakhe pa waka.

Mu mazuŵa ghankhonde na limoza uchitenge mlimo wako na kuwumarizga wose, kweni zuŵa la chinkhonde na chiŵiri ndi Sabata kwa FUMU, Chiuta wako. Pa zuŵa ili, ungachitanga mlimo uliwose, manyi ndiwe panji mwana wako mwanarume panji mwanakazi, panji muteŵeti wako mwanarume panji mwanakazi, panji vyakuŵeta vyako, panji mulendo wako uyo wakukhara nawe mu chikaya.

“Ungadokeranga nyumba ya muzengezgani wako. Ungadokeranga muwoli wa munyako, panji muteŵeti wakhe mwanarume panji mwanakazi, panji nkhaŵi yakhe, panji mbunda yakhe, nanga ndi kanthu kalikose ako nkha muzengezgani wako.”

“Ungaŵanga kaboni wa utesi pa muzengezgani wako.

“Ungaleŵanga.

“Ungakomanga.

“Ungibanga.