Popular Bible Verses from Mutendeko 50

Share

Imwe mukaghanaghana kundichitira uheni, kweni Chiuta wakachizgora kuŵa uweme. Wakachichita mwakuti ŵanandi ŵasungilirike ŵamoyo, nga ndi umo ŵaliri muhanya uno.

Kweni Yosefe wakati kwa iwo, “Mungopanga! Kasi ine ndili mu malo gha Chiuta?

Sono mungopanga. Ine nditi ndimuleraninge imwe na ŵana ŵinu.” Ntheura ndimo Yosefe wakaŵapanikizgira na kuŵasanguruskira.

‘Mukati kwa Yosefe: Nkhuŵeya ugowokere ŵana ŵanyakhe uheni wawo uwo ŵakakuchitira.’ Ndipo sono tikumuŵeyani mugowokere kwananga kwa ta ŵateŵeti ŵa Chiuta wa ŵawiskemwe.” Yosefe wakalira masozi para ŵakapulika mazgu agha.

Sono Yosefe wakati ku ŵana ŵanyakhe, “Ndili pafupi kufwa, kweni Chiuta wizamkumupemphurani na kumufumyani mu charu ichi na kumutorerani ku charu icho wakarapa kupereka kwa Abrahamu, kwa Yisake, na kwa Yakhobe.”

Pamanyuma Yosefe wakaŵaphalira ŵana ŵanyakhe kuti ŵarape, wakati, “Murape kuti para Chiuta wizamkumupemphurani, ndipo mwizakayeghanga viwangwa vyane kufuma kuno na kuwera navyo.”

Ntheura Yosefe wakafwa wali na virimika 110. Ŵakaphakazga thupi lakhe na minkhwara yakukanizga kuvunda, ndipo ŵakaliŵika mu bokosi ku Eguputo kwenekura.