Popular Bible Verses from Mariko 16

Share

Ndipo wakati kwa iwo, “Rutani mu charu chose, mukapharazge Uthenga Uweme ku vilengiwa vyose.

Awo ŵamkupulikana ŵamkuchita vimanyikwiro ivi: Mu zina lane ŵamkufumiska viŵanda ndipo ŵamkuyowoya mu viyowoyero vya chilendo. Ŵamkukora njoka ndipo usange ŵamkumwa kanthu kakukoma kuti ŵamkupwetekeka chara. Ŵamkuŵika mawoko ghawo pa ŵarwari ndipo ŵamkuchira.”

Yose uyo wakupulikana na kubapatizika wamkuponoskeka, kweni uyo wamkuwura kupulikana wamkususkika.

Ntheura ŵasambiri ŵakaruta ndipo ŵakaya kapharazga kosekose, apo Fumu yikateŵeta nawo pamoza, na kukhozga upharazgi wawo na vimanyikwiro. Ameni.] [

Munyamata wakaŵaphalira kuti, “Rekani kuzukuma. Mukupenja Yesu wa ku Nazarete uyo ŵakamupayika pa mphinjika. Wawuka ku ŵakufwa! Wali pano chara. Wonani malo agha ŵakamugonekapo.

Para ŵakati ŵinuska maso ŵakawona kuti libwe lawuskikapo kale pa dindi. Likaŵa libwe likuru chomene. Ŵakati ŵanjira mu dindi, ŵakawona munyamata mweneuyo wakavwara munjilira utuŵa, wakhara ku dera la maryero ndipo iwo ŵakazukuma.