Popular Bible Verses from Masese 22

Share

Lakisa mwana nzela oyo asengeli kotambola wuta na bomwana na ye ; ezala tango akokoma mokolo, akobunga yango te.

Komikitisa mpe kotosa Yawe ememaka bozwi, lokumu mpe bomoi.

Kokende sango ya malamu ezali malamu koleka kozala na bomengo mingi ; lokumu ezali malamu koleka palata mpe wolo.

Kozala molingami te ya moto ya kanda, mpe kosangana te na moto ya motema moto-moto

Moto oyo akabaka na esengo akopambolama, pamba te akabolaka bilei na ye na mobola.

Moto ya mayele amonaka likama na mosika mpe amibombaka, kasi moto oyo azangi mayele akoleka wana mpe akokutana na pasi.

Mozwi azalaka mokonzi ya mobola, mpe modefi azalaka mowumbu ya modefisi.

Mozwi mpe mobola bazali na likambo moko ya lisanga : ezali Yawe nde azali Mokeli na bango mibale.

Kobotola te na makasi biloko ya mobola, pamba te azali mobola, konyokola te moto ya pasi na esambiselo, pamba te Yawe akobundela bango mpe akobebisa bomoi ya bato oyo bakobebisa bomoi na bango.