Popular Bible Verses from Lêwi 26

Share

Kâo či rơbat tơ̆ng krah ƀing gih, jing Ơi Adai kơ ƀing gih laih anŭn ƀing gih či jing ană plei pla Kâo.

tui anŭn Kâo či brơi kơ ƀing gih hơjan angĭn djơ̆ bơyan gơ̆, lŏn či hmâo mơboh yua laih anŭn kơyâo pơ đang hmua či mơboh.

Tơdah ƀing gih tui gưt tơlơi juăt Kâo, djă pioh tơlơi pơtă Kâo laih anŭn ngă tui

Kâo či brơi tơlơi rơnŭk rơnua kơ čar ƀing gih, laih anŭn ƀing gih či pĭt samơ̆ ƀu hwĭ arăng rai pơhwĭ ƀing gih ôh. Kâo či puh pơđuaĭ hlô hơtai mơ̆ng čar ƀing gih laih anŭn đao gưm ƀu či rơbat găn amăng čar ƀing gih ôh.

Kâo či hyơ̆k bơngơ̆t nao kơ ƀing gih, ngă brơi ƀing gih tơkeng čeh lar jai lu, laih anŭn ngă pơsĭt tơlơi kơnol pơgop hăng ƀing gih.

Kâo jing Yêhôwa Ơi Adai ƀing gih, Pô hmâo ba tơbiă ƀing gih mơ̆ng čar Êjip kiăng kơ ƀing gih ƀu jing hlŭn dơ̆ng tah. Kâo či joh hĭ ač brơi ƀing gih kiăng kơ ƀing gih dưi angak đĭ akŏ laih anŭn rơbat nao.’

Kâo či ngă anih dŏ Kâo amăng tơ̆ng krah ƀing gih, pran jua Kâo ƀu bơrơmŭt kơ ƀing gih ôh.

“‘Ƀing gih ƀu dưi ngă khul rup yang, pơdơ̆ng rup trah ƀôdah tơmeh pơtâo; ăt kŏn dưi pơdơ̆ng đĭ amăng čar ƀing gih sa boh pơtâo hmâo rup hơbŏ kiăng kơ kơkuh kơ ñu ôh, yua kơ Kâo jing Yêhôwa, Ơi Adai kơ ƀing gih.

Ƀing gih hlăk dŏ ƀơ̆ng huă braih pơdai so kơ bơyan hlâo hmâo rơmet laih anih brơi kơ braih pơdai bơyan tơdơi.

Rơma čô amăng ƀing gih či kiaŏ pơđuaĭ sa rơtuh čô; sa rơtuh čô amăng ƀing gih či kiaŏ pơđuaĭ sa rơbâo čô, laih anŭn ƀing ayăt či rơbuh đang gah yŭ kơ mơta đao gưm ƀing gih.

Bơyan prăh pơdai či dŏ sui truh kơ bơyan pĕ boh kơƀâu, bơyan pĕ boh kơƀâu či dŏ sui truh kơ bơyan sai đah pơdai. Ƀing gih či ƀơ̆ng ƀañ trơi laih anŭn hơdip rơnŭk rơnua amăng čar gih pô.

Ƀing gih či kiaŏ pơđuaĭ ƀing ayăt laih anŭn ƀing gơñu či rơbuh đang gah yŭ kơ mơta đao gưm ƀing gih.

Djă pioh bĕ hrơi saƀat Kâo laih anŭn pơpŭ pơyom kơ Anih Rơgoh Kâo. Kâo jing Yêhôwa.