Popular Bible Verses from Mathiơ 16

Share

Laih anŭn Yêsu laĭ kơ ƀing ding kơna Ñu: “Tơdah hlơi pô kiăng đuaĭ tui Kâo, ñu khŏm hơngah hĭ tơlơi ñu pô kiăng, glăm kơyâo bơrơkal ñu pô, laih anŭn đuaĭ tui Kâo.

Kâo laĭ kơ ih, ih jing Pêtrôs, ƀơi glong boh pơtâo anai Kâo či pơdơ̆ng Phung Sang Ơi Adai Kâo, laih anŭn amăng jang Plei Ƀing Djai ƀu či dưi hăng ñu ôh.

Kâo či brơi kơ ih kơmla kăl dêh čar pơtao plei hiam, laih anŭn hơgĕt tơlơi ih či akă ƀơi lŏn tơnah Ơi Adai či akă amăng adai; laih anŭn hơgĕt tơlơi ih či kleh ƀơi lŏn tơnah Ơi Adai či kleh amăng adai mơ̆n.”

Yua kơ hlơi pô kiăng pơklaih tơlơi hơdip ñu, ñu či rơngiă hĭ, samơ̆ hlơi pô rơngiă tơlơi hơdip ñu yua kơ Kâo, ñu či pơklaih tơlơi hơdip ñu.

Yua kơ, hơgĕt tơlơi tŭ yua kơ sa čô mơnuih tơdah ñu hmâo abih lŏn tơnah, samơ̆ rơngiă hĭ tơlơi hơdip ñu? Ƀôdah hơgĕt mơnơ̆ng ñu či brơi kiăng song mă tơlơi hơdip ñu?

Yêsu laĭ kơ gơñu: “Bơ ƀing gih, hlơi ƀing gih laĭ Kâo jing?” Simôn Pêtrôs laĭ glaĭ: “Ih jing Yang Krist Ană Ơi Adai hơdip hlŏng lar.”

Yêsu laĭ glaĭ kơ ñu: “Mơyun hiam yơh kơ ih, Ơ Simôn ană Yônas! Yua kơ ƀu djơ̆ asar laih anŭn drah ôh bơrơđah tơlơi anai kơ ih, samơ̆ Ama Kâo amăng adai.