Popular Bible Verses from Mathiơ 18

Share

Yua kơ pơpă anih hmâo dua ƀôdah klâo čô pơgop glaĭ amăng anăn Kâo, pơ anŭn Kâo dŏ tơ̆ng krah gơñu.”

Sĭt biă mă Kâo laĭ kơ ƀing gih dơ̆ng, tơdah dua čô amăng ƀing gih ƀơi lŏn tơnah sa pran jua rơkâo hơgĕt mơnơ̆ng ƀing gih kiăng, Ama Kâo amăng adai či ngă brơi kơ ƀing gih.

Yêsu iâu sa čô čơđai anĕt, pioh gơ̆ dŏ dơ̆ng ƀơi tơ̆ng krah gơñu, laih anŭn laĭ, “Sĭt biă mă Kâo laĭ kơ ƀing gih, tơdah ƀing gih ƀu pơplih jing kar hăng čơđai anĕt, ƀing gih ƀu či dưi mŭt amăng dêh čar pơtao plei hiam ôh.

Hlơi pô luă gŭ ñu pô kar hăng sa čô čơđai anai, ñu jing pô prŏng hloh amăng dêh čar pơtao plei hiam.

Hlơi pô tŭ jum sa čô čơđai kar hăng anai amăng anăn Kâo jing ñu tŭ jum Kâo yơh;”

“Sĭt biă mă Kâo laĭ kơ ƀing gih, hơgĕt tơlơi ƀing gih akă ƀơi lŏn tơnah arăng ăt či akă amăng adai mơ̆n; laih anŭn hơgĕt tơlơi ƀing gih kleh ƀơi lŏn tơnah arăng ăt či kleh amăng adai mơ̆n.

Kar hăng tui anŭn mơ̆n Ama Kâo amăng adai či ngă kơ rĭm čô ƀing gih, tơdah ƀing gih ƀu pap brơi ôh kơ adơi ayŏng ƀing gih hăng abih pran jua.”

“Tơdah hlơi pô ngă brơi sa čô amăng ƀing čơđai anĕt anai hmâo đaŏ laih kơ Kâo lĕ hĭ amăng tơlơi soh, hiam hloh brơi arăng akă sa boh rơsŭng boh pơtâo ƀơi tơkuai ñu laih anŭn glŏm hĭ amăng ia rơsĭ dlam.

Hyư̆m ƀing gih pơmĭn? Tơdah sa čô hmâo sa rơtuh drơi triu, samơ̆ sa drơi amăng ƀing gơñu čơlah hĭ, ƀu djơ̆ hă ñu lui ƀing dua rơpăn pluh dua rơpăn drơi ƀơi ngŏ čư̆ laih anŭn nao sem sa drơi čơlah laih?