Popular Bible Verses from Markôs 13

Share

Abih bang mơnuih či bơrơmŭt kơ ƀing gih yua kơ anăn Kâo. Samơ̆ hlơi pô gir tơl hnal tuč, ñu anŭn či dưi klaih yơh.”

Brơi kơđiăng hăng dŏ krŏng bĕ yua kơ ƀing gih ƀu thâo ôh hơbin mông anŭn či truh.

Tơ arăng mă jao ƀing gih kơ tơlơi phat kơđi, anăm ƀing gih bơngơ̆t ôh kơ hơgĕt tơlơi ƀing gih či pơhiăp; samơ̆ pơhiăp bĕ hơgĕt tơlơi Ơi Adai pha brơi kơ ƀing gih ƀơi mông anŭn. Yua kơ ƀu djơ̆ ôh pô ƀing gih pơhiăp, samơ̆ Yang Bơngăt Hiam yơh pơhiăp.

Adai hăng lŏn tơnah či rơgao hĭ, samơ̆ tơlơi Kâo pơhiăp ƀu či rơgao hĭ ôh.”

“Samơ̆ kơ hrơi hăng mông anŭn ƀu hmâo hlơi thâo ôh. Wơ̆t ƀing ling jang hiam amăng adai, wơ̆t Ană kŏn thâo lơi, kơnơ̆ng hơjăn Ama đôč thâo.

Tơ ƀing gih hmư̆ arăng ruai kơ tơlơi pơblah jĕ giăm hăng hmư̆ hing tơlơi pơblah pơ ataih, anăm rŭng răng ôh. Tơlơi anŭn khŏm truh, samơ̆ aka ƀu truh hrơi hnal tuč ôh.

Tui anŭn, dŏ krŏng bĕ yua kơ ƀing gih ƀu thâo ôh hơbin khua sang či truh, thâo dah ƀơi klam mơmŏt ƀôdah tơ̆ng krah mlam, ƀôdah hlăk mơnŭ tơdjô̆, ƀôdah ƀơi ưm mơguah, Hwĭ kơ Ñu plŭt rai, laih anŭn ƀuh ƀing gih dŏ pĭt. Hơgĕt tơlơi Kâo laĭ laih kơ ƀing gih, Kâo ăt laĭ kơ abih bang mơnuih mơ̆n. Dŏ krŏng bĕ!”

Djuai mơnuih anai či pơkơdơ̆ng hăng djuai mơnuih pơkŏn, laih anŭn dêh čar pơtao anai či pơkơdơ̆ng hăng dêh čar pơtao pơkŏn. Či hmâo tơlơi pơpư̆ lŏn tơnah amăng lu anih, hăng či hmâo lu tơlơi ư̆ rơpa. Abih tơlơi anŭn kơnơ̆ng jing tơlơi pơphŭn kơ tơlơi ruă tơkeng đôč.”

Samơ̆ hlâo kơ hrơi hnal tuč či truh, Tơlơi Phrâo Hiam anai arăng khŏm pơtô ră ruai kơ abih bang djuai mơnuih.

Hmâo lu mơnuih či rai ƀlor mă hăng anăn Kâo laih anŭn laĭ: ‘Kâo yơh jing Krist,’ laih anŭn gơñu či plư lu mơnuih.

“Răng bĕ kơ ƀing gih pô, yua kơ arăng či jao hĭ ƀing gih kơ ƀing khua phat kơđi, arăng či taih čŏm ƀing gih amăng sang jơnum. Ƀing gih či dŏ ƀơi anăp ƀing khua čar hăng ƀơi anăp ƀing pơtao yua anăn Kâo, kiăng ngă gơ̆ng jơlan kơ ƀing gơñu.

Či hmâo lu Krist ƀlor hăng ƀing pô laĭ lui hlâo ƀlor či tơgŭ đĭ. Gơñu či ngă lu tơlơi gru kơnăl yom pơphan hăng tơlơi mơsêh mơyang, tơdah dưi ñu kiăng plư wơ̆t ƀing Ơi Adai hmâo ruah mă laih mơ̆n.

“Amăng khul hrơi anŭn tơdơi kơ tơlơi tơnap tap, Yang hrơi či jing kơnăm mơmŏt, Laih anŭn blan ƀu pơčrang rơđah dơ̆ng ôh. Khul pơtŭ či lĕ trŭn mơ̆ng adai, Laih anŭn khul tơlơi dưi kơtang amăng adai rơngit či pơpư̆ pơgơi.