Popular Bible Verses from Agege 49

Share

Abiro me loc mom bino ya i baŋ Juda, abiro loc mom bino ya i akina tyene, ituno ka wonnere bino tuno; en ame rok luŋ bino winyo koppere.

Yucepu en jaŋ yat onyak, en jaŋ yat onyak meicel i ŋet akoŋ, jaŋe jany lak i cel. Wegi atero oromo kede romo agwa meicel, gin ocelo en dok daŋ ololle meicel

ento akud atero mere ocuŋ gire mot ikiŋ, omio ciŋe odoko amit oko, pi ciŋ Twon Ateko a Yakobo, pi nyiŋ akwat rommi, ame Kidi Icrael, pi Obaŋa a pappi ame bino konyi pi Obaŋa Won Twer Ducu ame, bino winyo. Winyo ame ya i polo, winyo ame ya i kut atut oyabere i te lobo, winyo ame ya i tuno kede winyo ame ya i yic.

Juda, yin omegoni bino paki; ciŋi bino bedo i ŋut okworri; itino a pappi bino ryebere piny i nyimi. Juda obedo atin eŋatu; atinna, iya mwodo lee, ite yito malo. En onyoŋo piny, obuto calo eŋatu, acalo min eŋatu, na kara a cunye tek me tuge?

Yin Reuben ibedo atin kaona, yin itekona, i nyig tekona me agege, yin iloo pi wakere kede pi twer. Pi corre bala pii, mom ibino loyo pien yin iyito naka i wi kabuto a pappi; itimo-gu tim me kir iye, iyito kom i wi tandana!