Popular Bible Verses from Yohana 19

Share

Bo̱ Ye̱so su̱u̱te̱ ka ho̱-mo̱ o-zambo mo̱ à, wu̱ ze̱e̱ru̱, “A komoste̱ ko̱yan.” Ka da-de ne̱, wu̱ kwu̱msu̱ru̱ u̱r-hi n-dak, wu̱ argu̱ m-mar.

Bo̱ u̱n rwo̱r u̱n ka ma-to̱ Ye̱so nepse̱ a komoste̱ ko̱yan, se̱ de̱ remen a shoosté̱ ma-to̱ a ge̱ne̱ be-de u̱n Ma-to̱ Shir à, ka da-de ne̱, wu̱ ze̱e̱ru̱, “Me̱ u̱n ho̱ge̱ o- swo̱o̱t o̱ m-ho̱.”

Bo̱ Ye̱so hyente̱ inu u̱n wu̱ káne̱ à, u̱n wan-gaan ne̱ be-de yan-neke̱-mo̱ u̱n wu̱, u̱n wu̱ wu̱ ro m-co̱n ne̱ à, yow yow u̱n wu̱ ne̱. Wu̱ ze̱e̱ru̱ inu-o u̱n wu̱, “Inu, wu̱ ka waragte̱ caane̱ wà ru.” Ka da-de ne̱, wu̱ ze̱e̱ru̱ wan-neke̱-mo̱ u̱n wu̱, “Wu̱ ro̱ inu ru.” Cin bo̱ u̱n ka da-de ne̱, ka wan-neke̱-mo̱ u̱n wu̱ wu̱ de̱ku̱ru̱ wu̱, wu̱ jitu̱ru̱ wu̱ u̱n hur-o̱ u̱n wu̱.

Bo̱ ye̱ wo̱o̱nte̱ be-u̱r Ye̱so à, ye̱ 'wo̱ss wu̱ be'essu̱te̱ wu̱ mereste̱. Ye̱ jet na-se u̱n wu̱ á. Se̱ de̱ wan-gaan be-de u̱n ka karma-ne̱ ye̱, wu̱ duuru̱ wu̱ o-tak n-te̱ n-ge̱n. Hyó-m rwu̱u̱nu̱ru̱ m-ho̱ ne̱.

An no̱m kááne̱, remen a shoosté̱ Ma-to̱ Shir u̱nze, “Ko̱ caar-yo u̱n wu̱ o-gaan a he de yo m-jet á.” N-me̱ u̱n de ken be-de u̱n Ma-to̱ Shir to̱ ze̱e̱g, “Ka ne̱t-wu̱ wu̱ ye̱ duu à, ye̱a gwo̱t wu̱.”

Ye̱ neku̱ru̱ u̱n Ye̱so ne̱. Ye̱so de̱ku̱ru̱ kan -o̱ a hette̱ wu̱ m-kam à, ha-mo̱ u̱n be-de a m-ze̱e̱ Caar-o̱ u̱t-hi à ( u̱t-Ibra ne̱ ye̱ ro̱ o̱ m-ze̱e̱, o-Gorogota ).

Karma-ne̱ yeru̱ru̱ wu̱ go̱nd-o̱ u̱n yokor u̱r-hi. Ye̱ cu̱pu̱ru̱ wu̱ co̱p-o jaas-o̱ o̱ u̱t-gwo̱mo.