Popular Bible Verses from Matiyos 6

Share

Amba rii-yo jiishe̱ à u̱r-takan yo ka, hoob no̱ gwo̱mo-to̱ u̱n wu̱, komo no̱ she'et kashi u̱r-she'et de u̱n wu̱ bo̱ wu̱ co̱ne̱ à. Ka da-de, wu̱a 'ye no̱ ka rem-se kap.

“Remen u̱n kaane̱, taase no̱ ryegen remen m-buk. Remen ho̱-de u̱n buk-de ro̱o̱n u̱n go̱n co̱n-mo̱ u̱n de ne̱. Regen-o̱ u̱n caane̱ bo̱'o̱ssu̱tu̱ no̱ remen caane̱.”

Ka da-de Ye̱so ze̱e̱ru̱, “Remen kaane̱ me̱ no̱ m-ru̱re̱, taase no̱ ryegen bo̱ no̱ he nekette̱ m-ho̱o̱g à, u̱ntu̱n rii-yo no̱ he m-re̱, ko̱ yo no̱ he m-swo̱ à, ko̱ komo bo̱ no̱ he m-no̱m no̱ kumut rii-yo m-co̱p u̱n wu̱r-u̱t no̱ á. ¿Ho̱o̱g-m mo̱ arag rii-yo m-re̱ á? ¿Komo wu̱r-o̱ jiish saw-to̱ no̱ he m-co̱p á?”

Amba da-o̱ o he m-ko̱n u̱n Shir rii à, co̱w o-kuke̱, o tige̱ ish. O ko̱n Shir Tato na wu̱ a m-hyan á, komo Tato na wu̱ ro̱ m-hyan u̱n rii-yo a no̱me̱ wukusse̱ ba hun-ne̱ u̱n hyan wu̱ á, wu̱a to̱p wo̱.”

Ye̱so ze̱e̱ru̱, “Kaane̱ no̱ he m-ko̱n: “ ‘Tato na wu̱ ro̱ n-To̱n à, A se̱ke̱mse̱ jin u̱n du. Gwo̱mo-u̱t ru haan, A nom rii-yo o co̱ne̱ à ho̱no o-dak, Bo̱ a m-no̱m n-To̱n à.

Ya te̱ caane̱ rii-yo m-re̱ yo u̱n ka ho̱-de.

O soksu̱ te̱ ba'as -u̱t te̱, bo̱ te̱ m-sokse̱ u̱n ye̱ ro̱ te̱ m-no̱me̱ u̱t- ba'as à.

Taase o heet te̱ n-me̱ u̱t-meger á, Amba gu te̱ be-de o-yo̱ yo.’

“U̱rege̱ no̱ soksote̱ o̱r no̱ ne̱ u̱r-ba'as to̱ ye̱ no̱mu̱ no̱ u̱r-ba'as à, Tato no̱ wu̱ n-To̱n shir ma káane̱ wu̱ he no̱ m-sokse̱.

Ye̱so ze̱e̱ru̱, “Gwo̱t no̱ de̱ ye̱ge̱-no. Ye̱ u̱r-go á, ye̱ ro̱ ne̱ m-ce á, ye̱ m-kamas u̱r-byo á. Kap u̱n kaane̱ ne̱ Tato na wu̱ n-To̱n wu̱ ro̱ ye̱ m-re̱e̱gte̱. ¿Shir wu̱ jiish no̱ m-co̱n de̱e̱n arge̱ bo̱ wu̱ co̱ne̱ ye̱ á? Remen kaane̱ Shir a 'ye no̱ rii-yo m-re̱ yo no̱ co̱ne̱ à.

Ye̱so ze̱e̱ru̱ komo, “Taase no̱ karakse̱ hi u̱n no̱ o-kwu̱m u̱n ho̱no o-dak á. Be-de ye̱ge̱-re̱n m-shebe̱ ne̱ he o̱ m-naas à kàne̱ n-dak. Be-de komo hyow-ne̱ he m-co̱w ye̱ hiw yo no̱ e̱sse̱ à. Se̱ de̱ no̱ karakse̱ hi u̱n no̱ o-kwu̱m n-To̱n shir, rii-yo ro̱ kashi be-de Shir à. Be-de re̱n m-shebe̱ ne̱ a hoks o̱ m-naas á, komo hyow-ne̱ a hoks m-co̱w ye̱ hiwit u̱r-hyow á. Nom kaane̱ remen be-de kwu̱m-o ru ro̱ à, káne̱ hur-u̱r du ro̱.”

Ye̱so ze̱e̱ru̱, “Yatt ko-gu̱w-wu̱ he m-hoks u̱n nome̱ u̱n hun-ne̱ yoor m-gu̱w da-o gaan á, ko̱ wu̱ cu̱n wan-gaan wu̱ yage̱ wan-gaan, ko̱ wu̱ es u̱n wan-gaan wu̱ yo'og wan-gaan, kaane̱ o̱ komo yatt bo̱ no̱ he m-no̱m no̱ cu̱nu̱t Shir u̱n hwo̱r ne̱ á.”

¿U̱rege̱ har Shir ro̱ m-nome̱ u̱n gwo̱-se o-ko̱t u̱t-geger to̱ ro̱ kane̱ caane̱, m-buk a tu̱ks to̱ à, yagu̱nte̱ no̱? No̱ m-she̱r be-de u̱n wu̱ de̱e̱n á!

Amba u̱rege̱ wo̱a gu ko-ko̱o̱b, wo̱ yage̱ ko̱ wan-yen-du wu̱ nep rii-yo wo̱ m-no̱m á. Remen kaane̱, 'ya m-yar wukusse̱. Ka da-de, Tato na wu̱ ro̱ m-hyan rii-yo wo̱ m-no̱m wukusse̱ à, wu̱a to̱p wo̱.”

Ye̱so haaru̱ co u̱n yoose̱ u̱n yan-neke̱-mo̱ u̱n wu̱. Wu̱ ze̱e̱ru̱, “Da-o̱ no̱ nome̱ rii-yo u̱r-bon taase no̱ nom u̱n yish-ye̱ u̱n hun-ne̱ remen ye̱ bu̱mu̱t no̱. U̱rege̱ no̱ no̱mo̱g rii-yo u̱r-bon remen hun-ne̱ bu̱mu̱t no̱, no̱a kum u̱r-'yons be-u̱r Tato no̱ wu̱ ro̱ n-To̱n shir á.

Ye̱so ze̱e̱ru̱, “Da-o̱ no̱ o- swo̱o̱t à, no̱ naas o-co bo̱ ya-o-she̱pe̱ ro̱ m-naas u̱n co-se u̱n ye̱ á. Ye̱ ro̱ m-naas u̱n co-se u̱n ye̱ remen ye̱ kututé̱ hun-ne̱, ye̱ ro̱ o- swo̱o̱t . Nip-o̱ me̱ no̱ m-ru̱re̱, ye̱ kumuste̱ o̱ ka ko̱m-de u̱n 'yons-de u̱n ye̱. Amba da-o̱ wo̱ ro̱ o- swo̱o̱t , sapt co-o ru, o taam m-no̱w u̱r-hi, bo̱ o we̱te̱ m-no̱m à. Taase hun-ne̱ nep wo̱ o- swo̱o̱t . No̱m bo̱ Tato na wu̱ ro̱ n-To̱n à, wu̱ a m-hyan á, wu̱ wu̱ cot nape̱. Wu̱ hyeneste̱ yo wo̱ m-no̱m à ba hun-ne̱ u̱n nap. Komo wu̱a topo wo̱.”