Popular Bible Verses from Shwèʼ 5

Share

Bità wenə̀ viʼi ntɨm ə̀ Yesò vətsenvə vi bwènsə̀ la, “Yès diʼ nzhʉ tò fà Nyìngòŋ, yès ko diʼi nzhʉ fà viʼi.

Vəwenə mù faŋ ə̀ sə shə̀ʼtə̀ ntɨm ə jùŋ byìʼì Yesò Klistò tò mətsi ntsèm a ngə̀ŋ Nyìngòŋ bènə̀ a aloʼ viʼi.

Ananyàs ne dyʉ̀ ə̀ kù kəbyəʼ kə ko akì a lì, Bità bèm à wen la, “Wù mòʼtə̀ la Satan kwen à wù a tyɨm ə̀ nè wù zho ndzɨ̀ŋ à kəzhwì kə ŋwoʼəkə ə̀ lyòmtə̀ kəbyəʼ kə ko kì byìʼì ghò? Mibu wù tə̀ sə baʼlə kəshi kə nse a kèn, à tə̀ nkiʼ tò wù, ntə̀ʼ mbaʼlə̀ tè baʼlə, əko yi bè kiʼ tò wù. Byìʼì ghò a kwòʼtə̀ vi à wù a tyɨm la wù ne nki kənyʉ̀ kènkə a? Wù ko zhò ndzɨ̀ŋ ghèn tò a viʼi, wù be zhò ndzɨ̀ŋ à Nyìngòŋ.” Ando Ananyàs nzhʉ̀ kənyʉ̀ a kèn no a zhʉ̀ kò, ə̀ fəŋ a nse ə̀ pfʉ. Ə̀ fàyn ghoʼo ghə̀ ghaʼ viʼi no vətsèm a və nzhʉ kənyʉ̀ a kènkə.

Ma mu sə gàʼà à ghə̀ŋ byìʼì nki kənyʉ̀ kènkə luwèn la, kə ghə̀ŋ à nè kənyʉ̀ kì a ghə̀ŋ ə kwòʼtə ənè à vəwenə. Ghə̀ŋ ghʉsə vəwenə tò a lì byìʼàndo nyʉ̀ venə a vəwenə ghʉ be nè lə̀ sətsèn ndiʼ mu və lù fa wìʼ, kò kəghaf kə à dyʉ̀ ke vəwenə fəŋ. Təshwèʼ a tèntə sətsèn ndiʼ mu à kù Nyìngòŋ nku kədyòʼ la vəwenə ə nè, kò kə a mbwaʼmə̀ ə ghə̀ŋ cho vəwenə, ghə̀ŋ bè nè yen mu kə sə̀ kə̀ʼə̀ la ghə̀ŋ ə soynə Nyìngòŋ.” Viʼi soʼo nsoʼ vi zhʉ kətyɨftə yi a Gamalè yi nku