Popular Bible Verses from Mak 4

Share

Ghə̀ lù kàyntə̀ nyʉ̀ à fwof ayi gàʼà la, “Bwaʼmə!” bè gàʼ à mu mì la,“Tɨmə tò a lì.” No a zhʉ̀ kò, fwof yi bwaʼ, shi chiʼ la kùʼ. Ghə̀ mù bèm à vəwenə la, “Ghə̀ŋ fànə̀ ghò alə̀ a? Kə diʼ la ghə̀ŋ ko təmə̀ byɨmə à Nyìngòŋ mù?”

Kənyʉ̀ akì nè vəwenə sə fànə̀ no nànto mù sə bèmə̀ à vəwenə a ntìntìn la, “Wìʼ ghèn dìʼ no ndò a tè fwof nə̀ mu zhʉ wen a!”

Kə nsə mfʉ̀ a lì, Yesò diʼ a tì nkànuʼ yì mu ghə̀ zhəʼtə li a kənbuŋtə̀ kə kwen sə bʉnə̀. Vəwenə zhòm wen ə̀ bèm à wen la, “Ndìʼsə̀, kə diʼ la yès ə pfʉkə dyʉ̀ kò wù lù nyenə mu?”

Ghə̀ bè gàʼ à vəwenə la, “Ghə̀ŋ ntùʼmə̀ nə̀ nyʉ̀ vyi a ghə̀ŋ zhʉ. No nshə̀ʼ ko a ghə̀ŋ ku fo tsu à viʼi à dìʼi ndə̀ŋndəŋ nshə̀ʼ a və be lə ku tsu à ghə̀ŋ ə be ku tè ku ə chò.”

Yesò bè dyʉ̀ mbì əgàʼ la, “Soʼo fòn Nyìngòŋ diʼ ando wìʼ lu mfʉ̀ ghə̀ mòʼo ngwàʼ à wen a sɨ̀m, ghə̀ pfwo sə bʉnə̀, tʉʼ lan ghə̀ lu, to a lì, ngwàʼ ayì nè fʉ̀ sə kwi kò ghə̀ lù nkɨ kənyʉ̀ a kə chò nə̀ ngwàʼ ayì.

No ndo a ghə̀ kiʼì tof ghə̀ tùʼtə̀ zhʉ̀tə lì.”