Popular Bible Verses from Noo Mian 16

Share

¶ Eishtagh doort Yeesey roosyn va sheer marish, My ta dooinney erbee booiaght geyrt orryms, lig e e hene y obbal as e chrosh y hroggal, as geyrt orrym.

As ta mee myrgeddyn gra rhyt, Dy nee uss Peddyr, as dy nee er y chreg shoh hroggyms m’agglish; as cha vow giattyn nivrin yn varriaght urree.

As verryms dhyts ogheryn reeriaght niau, as cre‐erbee chianglys oo er y talloo, bee eh kainlt ayns niau; as cre‐erbee eyslys oo er y talloo, bee eh feyslit ayns niau.

Son quoi‐erbee ballish e vioys y hauail, caillee e eh: as quoi‐erbee chaillys e vioys er my ghraih’s, sauee e eh.

Son cre’n vondeish t’ec dooinney, my chosnys e yn seihll ooilley as e annym hene y choall? ny cre nee dooinney y choyrt ayns coonrey son e annym?

Doort eshyn roo, Agh quoi ta shiuish dy ghra mee? Dreggyr Simon Peddyr as doort e, Oo yn Creest, mac y Jee bio.

Dansoor Yeesey as doort e rish, Bannit t’ow uss, Simon Bar‐jona: son cha nee feill as fuill t’er hoilshaghey shoh dhyts, agh my Ayr, ta ayns niau.