Popular Bible Verses from Jesaja 45

Share

Ek sal vir jou die goed gee wat die ander konings weggesteek het in donker plekke. Dan sal jy weet Ek is die Here wat jou geroep het en wat jou naam genoem het, Ek is die God van Israel.

Die Here sê vir Kores: “Ek sal jou lei en Ek sal jou pad gelyk maak. Ek sal die poorte van koper en yster breek sodat jy kan ingaan.

Ek is die Here, daar is nie nog 'n ander Here nie. Net Ek is God. Jy het My nie geken nie, maar Ek maak jou sterk om oorlog te maak. Dan sal al die volke weet dat net Ek God is. Ek is die Here, daar is nie 'n ander Here nie.

Ek laat dit lig word of donker word, Ek laat dit goed gaan of sleg gaan, Ek, die Here, doen dit alles.

Almal op die aarde, julle moet na My toe kom, Ek wil julle red. Ek is God, daar is nie 'n ander God nie.

Die Here praat met Kores, die man wat Hy gesalf het. Die Here het hom gehelp om volke te oorwin. Konings het opgehou om oorlog te maak teen Kores en die poorte van stede het vir hom oopgegaan.

Ek het vir Myself belowe, Ek het dit vas besluit, en dit sal gebeur: Elke knie sal voor My buig, elke mens sal my Naam noem.

Ek het dit gedoen om my dienaars te help. Hulle is die nageslag van Jakob, die Israeliete, Ek het hulle gekies. Ek het jou geroep en Ek het jou naam genoem. Jy het My nie geken nie, maar Ek gee vir jou 'n spesiale naam.