Popular Bible Verses from Psalms 139

Share

Ek wil vir U dankie sê, want ek word bang wanneer ek sien hoe wonderlik U my gemaak het. Alles wat U doen, is wonderlik, ek weet dit baie goed.

O God, U moet diep in my kyk, U moet weet wat binne-in my hart is, U moet my toets, U moet weet wat ek dink. En U moet help dat ek nie so lewe dat ek seerkry nie, U moet my lei op die pad na U toe.

Ja, dit is U wat my gemaak het, 'n mens wat kan voel en dink. U het my hele liggaam gemaak voordat ek gebore is.

U het my gesien voordat ek gebore is. Ek was nog nie een dag oud nie, toe het U klaar in u boek geskryf hoe lank ek sal lewe.

Vir die leier van die koor: Van Dawid. 'n Psalm. Here, U het tot diep in my gekyk, U ken my baie goed.

Waarnatoe kan ek gaan waar U nie is nie? Waarnatoe kan ek wegvlug van U?

U weet alles wat ek doen, net U weet dit, U is ver, maar U weet wat ek dink.

Ja, Here, ek het nog nie begin om iets te sê nie, dan weet U klaar alles wat ek wil sê.

U weet hoe ver ek loop en hoe lank ek slaap. U weet wat ek doen, oral waar ek gaan.