Popular Bible Verses from Luk 12

Share

Gɛɛ chɛ kɛŋɔ hé ɡe kpɔ he te, dɛ́ so kpa, dɛkalkɛ piɡraa Men Nɛn Bie la ɛɛ ba ba piɡri heya.”

Hé ɡel he sie beɡre Korowii Kora la ta, ásɛ o kpɔ anɔ haa dɛ nyin nɔ bwa tɛ heya.”

O ŋɔ ba be ŋɔ, “Hé ɡel he sie chɔ harɛ he nyiŋi kɛrɛdɛ dɛ bɛ kwaa dɛɛ kam, dɛkalkɛŋɔ nɛwɛnyini kondɔɔh kohona laa o mkpa.”

Bela he kondɔɔh aa lole laanee he liire ɡe do.

He bini umee dɛ́ won kpɔ sibeɡra ŋwɛnɛ bɛl dɛ́ kpɔ tɔpebeŋkpoŋ ja o mkpa ta nɔ?

Yeesu ŋɔ o habɔteŋra la be ŋɔ, “Anomanta, n dɛ ŋɔ he be ŋɔ, he bɛ ɡel he sie beɡre he soɡa bini kwaa haa di ne yale haa tɔ wa.

He nyumpona kwara, Korowii jemɛ a nyoa. He bɛ dɛɛ ɔmɛ. He ta pɛtoprɛ ɡwaalɛ wobɛlbwa ta naa?

Anee Yeesu berɛ ŋɔ, “Anomanta, Korowii toroma, haa kanɛ, kɛ he bɛ dɛɛ ɔmɛ, dɛkalkɛ a dɛ ɛ he Mɛɛ waa lɔ nyundua la silɛɛ kɛ he ja o Kora la ta.

Hé ta sie nyiŋi jumbii na. Aa kwaa du, aa komɛ, a ta bela aa komɛ kwaa dɛɛ do dɔe. Korowiirii dɛɛ tɛa kondikwa. He ɡwaa jumbii bam!

Anomanta, he bɛ ɡel he sie beɡre hɛɛ nyin anɔ la haa di ne anɔ la haa nyɔ.

Kpɔɡa haa naa a do wer fini, ásɛ kere ɡbo dɛ a serewɔ ba fuah nɔ, dɛ Korowii ɡelɔ a do wer ken naa, ɛrɛɛ waa wola won tɔ heyaa yal ɡwaala ɔ? He yarada aa kanɛ kwara!

Wobɛlbwa nɛra aa tɔ a ta la ɛɛ le baŋee, ásɛ waa aa sɔah bwa ɡe le nɛra jemɛ.