Popular Bible Verses from Luk 17

Share

Yeesu ŋɔ o be ŋɔ, “Ir kaa, yarada haa yarada mɛ nɔɔ ɡela he dɔ he te.”

Dɛ tɔpere bɛlbwa o ɛɛ wechɔɡa kera anuanɛ, asɛ dɛ ba he be dɛ ba ŋɔ waa waa ɛɛ la, o kon chɔɡaa, kpɔ kɛo.”

Ba bini beŋkpoŋ aa naa kɛŋɔ o weela la kaalɔ o bwara kwaa la, o laa berɛ dɛ baa jam Korowii takpeɡ ne, dɛ ba ɡuŋi Yeesu sie dɛ jaamo. Dɛ ɡɛ baa la ɛ Samaria te.

Anomanta, hé nyiŋi he te kɛrɛdɛ! Dɛ he dɔŋ ɛɛ wechɔɡa aa, ŋɔ o be. Dɛ o no a mun dɛ charɛ o liire aa, kpɔ o wechɔɡa kɛo.

Anee Yeesu bɔɔro ŋɔ, “He lɔ nɛra fi n chah heya, leperaa banuanaarɛ la te dɔɔ?

Asɛ Yeesu chaŋe ŋɔ, “Dɛ he yarada fe kan kɛŋɔ sipon ɡba aa, he fe ɛɛ wonoo ŋɔ dajen nɔ aa cheɡa nɔ be ŋɔ ó chuɡri ka che mpo ta, ásɛ o no dɛ́ ɛ ɡɛ.”

Nomɛlbwa o siwi aa swɛɛ harɛ nɔ ta silɛɛ kwaa ta la, wɛɛ paŋɛ o nyuu. Asɛ nomɛlbwa ɡe o siwi aa wola harɛ nɔ ta silɛɛ kwaa ta lɛ la, wɛɛ dɔ o nyuu.

Yeesu ŋɔ o habɔteŋra la be ŋɔ, “A ɛ wobɛlbwa, waa aa dɛ ba ɡela nɛn ɛ wechɔɡa la ɛɛ bao. Kɛ naate aa che o nɛɛ dɛ́ ba la, bwɛɛlɛ. Dɛ ba vɔwɛ nambwe do naate baŋa dɛ kpɔɔ ka ta mpo vil ta kwara naa, a fe bɔ kɛŋɔ waa ɡela bechajeɡre nɔ dɔŋ bɛlbwa ɛ wechɔɡa.

Gɛ aa ɛa Nowa bere saŋ la, ɡɛɛ Men Nɛn Bie la ɡe bala saŋ ɛɛ ba ɛɛ. Nowa bere saŋ la, dɛ ba dɛ di kwa, dɛɛ nyɔ sene, dɛɛ mo haahna, dɛ lawɛ haahna tɛ baala baa mo, dɛ ka tel kɛŋɔ awola Nowa aa jo o daka la bini, asɛ bwaala nɛ aaa, mpo ne neerare bwa su tɔ harɛ bwa, asɛ ba bwa serewe kwaraa.