Popular Bible Verses from Luk 9

Share

O berɔ ŋɔ ba bwa be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina, dɛ́ kpɔ o te tɛ tɔpere bɛlbwa kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la

dɛkalkɛ nomɛlbwa o sie aa swɛɛ harɛ nɔ ta kwaa ta la, wɛɛ paŋɛ o nyuu. Ásɛ nomɛlbwa ɡe o sie aa wola harɛ nɔ ta silɛɛ kwaa ta lɛ la, wɛɛ dɔ o nyuu.

Anee Yeesu ŋɔ o ɡe be ŋɔ, “Nomɛlbwa waa pa mun dɛɛ ba para dɛ ka kpɔ par, o nyu bini berɛ dɛɛ ɛo anɛnɛ la aa won parɛ a maɡre. Gɛɛ a do kɛŋɔ nomɛlbwa waa kpɔ o te kɛŋɔ wɛɛ ja Korowii Kora la taa la bɛ berɛ dɔ liire anɛ kpa.”

Dɛ nɛn dɔ harɛ nɔ ta kwaa bwa dɛ nyoɡre o nyu aa, bɔkwa tɔnɔɔ wɛɛ ba dɔe yɔ?

Nomɛlbwa sihiih aa dɛ kpoo n ne n webaɡla nɔ ta la, awola Men Nɛn Bie ne nyundua toromedɛɛɡa aa ba n Mɛɛ jirima ne la, maa naatee heeh awola tɔpere.

Anee Yeesu ŋɔ o be ŋɔ, “Manyajeɡre kwaraa dɔ bɔɔne dɛɛ chɔ a bini, asɛ jumbii aa dɛ ɡah nyundua ɡe dɔ a kɔne, kɛ Men Nɛn Bie la te ta bobɛlbwa dɔe ń chɔ dɛ́ onɛ.”

dɛ ŋɔ ba be ŋɔ, “Nomɛlbwa waa koh n waa dɛ nyiŋi bie nɔ nɛɛ la, dɛ menee o nyiŋi la. Nomɛlbwa ɡe waa nyiŋi n nɛɛ la, dɛ naate waa tom mɛ laanee o nyiŋi la. Naate waa ɛ o te bechala he bini la, onee nomoa.”