Popular Bible Verses from Joawh 11

Share

Igme awna gut: — Nahnewa kannikasene hiyeg. Nahnewa keh igkis aymuhwa. Ku pahavwi kamaxwevye nuvitit, hiyawa ig miyap heneme ig aymuhwanek gimun Uhokri adahan avanenekwa. Ku pahavwi kadeheten, ku ig kamaxwevye nuvitit, igi ka miyati. Ba pis ihpa inakni nuwnuh?

Igme awna gut: — Ka ba pis tima ku samah nah kuwis awna pit: “Ku pis kamaxwa nuvitit, nikwe Kiyavwiye Uhokri hiyapkis gikiytani pit”? Ihpanaba inakni nuwnuh.

Ig Kiyavwiye Jesus hiyapni hene, ig suke gikantak.

Ig Kiyavwiye Jesus timapni hene, ig awna: — Kawki ininema karayt gisayreptenek. In adahan areketni Uhokri gikiytani. In adahan areketni nukiytani nah Uhokri gikamkayh.

Pisenwa gawnan inakni iwit, ig awna akak madikte gawaygi: — Lazaru, pesnaba arikutak pimew. Aynewa ig miyaviye kannikaw ig pese arikutak gimew. Ig wanamin akak kamis. Gihepka hawata awasap. Igme Kiyavwiye Jesus awna gitkis hiyeg: — Mawastanig ariw kamis adahan ig wew. Aynewa igkis mawastevgi. Igme tivik ta givinwat.

Ayteke nikwe igkis danuh atere arit Lazaru gimew. Ayge ig Kiyavwiye Jesus kahekanaw akiw. In Lazaru gimew ariku tip amiyokni. Asabwatip egwata tip.

Pisenwa inakni giwn ig awna gitkis: — Ukagmadawiy Lazaru kuwis himeke. Heneme nah atere iwasavgi adahan nah giwadsetni.