Popular Bible Verses from Joawh 15

Share

Nah kewa pahakti amutri akatbe. Yisme kewa nutawnibdibe. Ku pahavwi misekwevye pahavwiwa nukakuh, ku ig keh nubetki, ig humaw kewa pahat ah atawnibe ku pariye kew ka aynsima. Heneme ku pahavwi ka misakwa nukakhu, ig ka hiya akehka ariknawnema kabayka gidahan Kiyavwiye.

Misakwanabay pahavwiwa nukakuh. Nahme misakwa pahavwiwa yikak. Ku atawnibdi ka misakwa aminat akat, egnes ka kew. Hawata yis. Ku yis ka misakwa pahavwiwa nukakuh, yis ka hiya akehka nubetki.

Yisme ku pariye kane henema, ku yis misakwa pahavwiwa nukakuh, ku nuwnuh misakwa ay abet yihiyekemni adahan yis wewne nikak, nikwe hiyawa yis ayap nutuh ku pariye yimawkan. Ku pariye yayapni nutuh in humaw yitnek.

Ka yisnema ka kaniyhun adahan nah humaw yikagmada. Heneme nah kaniyvey adahan yis humaw nukagmadavu. Nah kaniyyi adahan yis wew muwapuw kehnenekwa nubetki, adahan yis humaw kewa atawnibdibe kane ariwtinisima ku pariye kane mewhawti. Nah kaniyyi adahan yannivwi ka waditnevyenenma. Nah kaniyyi adahan Wigwiy iki yit madikte ku pariye yayapni git nuwavrik.

Ku pahavwi umahkiswa gidahankis gikagmadavu ini areketni ku ig batek gikakkis mpinevevye. Yuma hiyeg batekak hene ke inibe akiw.

Ignes nuhiyegavu igkis pahavwiwa nukakuh hawata ku samah amutri atawnibdi pahaktiwa akak akat. Heneme gaytakis ka inyewatma pahavwiwa nukakuh. Igkis ka kehkere nubetki. Igkis kewa atawnibdibe huruhravyebe ku pariye kane kew. Ig Wigwiy hiyak gikakkisnek. Ku samah pahavwi amutrivutne tigah atawnibdi huruhravye, hawata ig Wigwiy giwiwhpitnikis neras ku pariye kane kehkere nubetki. Nerasme ku pariye kehnevwi nubetki, ig hiyak gikakkis hawata. Igkis kewa atawnibdibe ku pariye kewtino. Ig amutrivutne sagahpewa gamutra atawnibdi ku pariye kewyovwi kahadbe egkis wadiswa egkis kew kibite akiw. Hawata ig Wigwiy sagahbeta gihiyekemnikis ariw givathawnikis neras ku pariye kehnevwi nubetki kahadbe igkis keh nubetki ka aynsima akiw.

— Batekaknabay pawtak hawata ku samah nah kuwis batek yikak. Inakni nukumadukan yit.

Ku yis kehne nubetki ka aynsima, innewa ku pariye keh Wigwiy kiyathaka. Hawata akiw ininewa arakak ku yis inyewa nukannuhnivwi.

Igkis avigku ahin kuwis, ig Kiyavwiye Jesus awna gitkis: — Nah kewa pahakti amutri akatbe. Madikte amutri akat amadgaya inin in he arakaknen nudahan. Nahme igyewatnene. Igme Wigwiy ig kewa pahavwi amutrivutnebe.

Ku pahavwi ka pahavwiwatma nukakuh, aysawnemenek ig padekwikanek ke pahat ah atawnibe ku pariye huruhruvye. Ke atawnibdibe huruhravye ku pariye pahadgupihka, in padekwika ariwtrikut tiket, in bukehpika.

Nah awna inakni iwit yit kahadbe yis misakwa batek yinaktin hawata ke nahbe. Nah muwaka yis misakwa kivunenekwa akak batekka takunipti.

Nah iha Wigwiy giwn. Takunipti nah keh ig batek nukakuh. Yis hawata ku yis iha nuwnuh takunipti, yis keh nah bateknenekwa yikaknek.

Batekaknabay pawtak. Inakninewa nukumadukan nah ayap yit.

Wake yis kane Uhokriyanvumabe, nikwekam neras kane Uhokriyanvuma batek yikakkam mmanawa yihiyekemni hawatakam ke gihiyekemnikisbe. Heneme nah kaniyvey adahan yis humaw Uhokriyanbetnewa. Nikwe yis ka kema igkisma akiw. Inneki keh igkis amiyevyi.