Popular Bible Verses from Lúkas 19

Share

Nah, ku pariye wageswe awayg amadgaya inin, nah ayta adahanikwa nah ivegeviye hiyeg biyukavye adahan nah gamnihtenkis.

Igkis awna: — Uhokri gabay gikaknek ner Ukivarawiy ku pariye ayta giwavrik Uhokri. Batekka aynte inurik. Kibeyne gidahan Uhokri!

Ig Kiyavwiye Jesus hiyapni hene, ig awna: — Ku avim inin ig Zakew isahptaw payak gikakkis gimunyavu. Ig hawata amekene Abraawh gihiwhi hawata ke yisbe, heneme pitatye ig ke wotbe ig biyukevyebe giw Uhokri.

Ayteke nikwe ig Kiyavwiye Jesus danuh atere. Ig sarayh givegi ta inut, ig hiyap Zakew ayge avewi ah, ig awna git atere: — Kiyavwiye Zakew. Uya muhuk kibehtenwa. Nah danuhpene ta pivinekut ku avim inin. Igme Zakew timapni hene, ig muhuke, ig amevevgi ta givinekut akak madikte gibetki.

Ayteke Zakew kannikew ayge giwtrikkis hiyeg, ig awna git Kiyavwiye Jesus: — Kiyavwiye, nah kakanhawte ta gitkis madiptavye abusku newkanbet. Hawata akiw ku nah katiwnihkise git pahavwi mpiynevevye, nah diyuhkiste gikakura awenyan mpiy akiw paxkavut avitmin akiw.

Neras farizewkis ku pariye ayge gibetkis hiyeg igkis timapni hene, igkis awna ta git Kiyavwiye Jesus: — Kiyavwiye, wani neras pikannuhnivwi ka muwaka awna inakni hene. Igme kaytwa giwnkis: — Amawka ku igkis awna inakni hene. Wake igkis ka awnabe hene, nor tipkam kabimankama akak batekka giwenyankiskama. Henewatbaki in. Jesus kadni akiw gidahankis jerusalémyenevwi