Popular Bible Verses from Yaya 19

Share

A to ka a min, a ko: «Koe bɛ bata ban kamalila.» A ka a kunsin, a ka a nɛ lasaagi Ala ma.

Wo kɔma, Isa to ka a lɔn, ka a fɔla koe bɛ ɲan bata kamali, a ko, «Ji sɔgɛ be n na.» A ka wo fɔ le, alako Ala la sɛbɛre ni kamali.

Isa ka a nɛɛnɛ yen, anun a la talibe, min di a ye. A to ka wonu yen sɔren, a ka a fɔ a nɛɛnɛ ye: «N na, kɛ talibe bata ma i la den kayireŋɛ la.» Wo kɔma, a ka fɔ wo talibe ye, a ko: «I nɛɛnɛ bata ma kɛ la.» Bɔɔla wo wagate ma, wo talibe ka a doni a bata.

Kɔnɔ anu to keta Isa ma, anu ka a yen a bata ban fagala. Wo butɔ, anu ma ale kɛŋɛnu kati. Wo kɔma, sɔɔrenu tɔ, dɔndɔ ka a bu sɔngɔ sɔgɔ tanba la. Base nun je bɔɔta kisanna.

Wo koenu mata le, alako Ala la sɛbɛre ni kamali, a ko: «Hali a kolo dɔndɔ te kati.» Ala la sɛbɛre do gbɛtɛ tugun ko: «Anu ka min bu sɔngɔ sɔgɔ, anu si wo lasaga le.»

anu ko a ma a ni a la lɔgɔ bangalandeŋɛ doni a fan na. A bɔɔta a fɛ saa tɔ, tagala dula tɔ ka min tɔgɔ «Kun konkota». Hebure kuma tɔ, a tɔgɔ «Gologota».

Anu mɛn ka ŋaniŋɛ dɛbɛ ɲɔgɔn fɛ, ka a ma mansa kufunɛlama la, anu ka a dusu Isa kuŋɛ tɔ. Anu ka doroki banba tugun najigi a ma, a wulemalama.