Popular Bible Verses from Luki 7

Share

Wolo mu n be a fɔla i ye: a la junube siyata, kɔnɔ anu bɛ bata kafari, wolo ka a ma a bata kanunteya banba yita n na. Kɔnɔ min na junubu kafare ma siya, wo te kanunteya banba yita.» A ka a fɔ muse ye: «I la junubenu bata kafari.»

Isa ka a fɔ muse ye, a ko: «I la dɛnkɛnɛya bata i lakisi. Taga jususa butɔ.»

A ka a madon Isa la, a sɔta a kɔma a kɛŋɛnu tabɛŋɛ tɔ, a be dila. A ɲa je bɔɔta, a sulenta Isa kɛŋɛnu ma, a ka anu lakima. Wo butɔ, a ka anu mafitan a kunsige la, a ka anu sunbu, a ka anu sunsan labundɛ la.

Wolo ɲan be a maren n yɛtɛ ma bɛn tagala i ma. Kɔnɔ hali kuma dɔndɔ le fɔ min si a ma n na joŋɛ ni kendeya. Nde Adamadeŋɛ be do la yamɔre le kɔtɔ, sɔɔre donu tugun be nde la yamɔre kɔtɔ. N tini min kii, wo si taga; n tini min kele, wo si na; n tini a fɔ n na joŋɛ ye a ni wale min ma, a si a ma.» Isa to ka wo mɔɛ, a kaabɛta a ma. A ka a ɲamatelen jama ma min be a jokkiren, a ka a fɔ anu ye, a ko: «N ni a fɔ wo ye, n ma kɛ dɛnkɛnɛya mɔɔle ɲɔgɔn yen hali bani Isirayila mɔgɛnu tɛma.»

Wo tɛmuɛ kisanna le, Isa ka bandibaga siyama lakendeya, anun donu minnu be tɔɔrɔren. A ka jinna koroŋɛnu bɔɔ mɔgɛnu kɔma, a ka ɲabɔnɛnu siyama ɲa laka. Wo butɔ, Isa ka Yaya la wo kiila fila jaabi, a ko: «Wo be min yenden yan, wo be min tugun mɔɛren, wo taga a bɛ ɲamakaran Yaya ye, wo ko: ɲabɔnɛnu ɲa bata laka, kɛn dɔndɔ tigenu bata tagaman a ɲinma la, baliwulentɔɛnu bata saniyan, tolobɔnɛnu tole bata laka, mɔgɔ fagareŋɛnu bata lawuli, kibaru ɲinma bata lake fugarenu ma.