Popular Bible Verses from Íꞌdóngárá 3

Share

Ũkú rĩ kã ndreé pẹtị rĩ vé ũꞌa índré ꞌí mị gé ꞌdãá múké, ĩ ícó nya rá, ãzini ĩ tã múké pi nị̃ ãní tã ũnjí be rá, ĩri ní pẹtị rĩ vé ũꞌa ĩtĩzú nyazú, ĩri ní ụrụkọ ni sẽzú ágó ni adriípi ꞌí gãrã gá rĩ ní, ágó ni ní ẹ́ꞌyị́zú nyazú.

Ãꞌá Úpí Múngú ní gbií rĩ pi ãsámvú gé, ị̃nị̃ ri ãꞌá riípi mị ũꞌbãápi agaápi rá ni. Ụ́ꞌdụ́ ãlu, ĩri ní ũkú rĩ zịzú kĩnĩ, “Ẹ̃ndẹ́pị Múngú ꞌyo nyo kínĩ ĩmi nyakí pẹtị ũꞌa ọ́mvụ́ agá ꞌdĩꞌbée ku ꞌdíni rá?”

Ma sẽ ĩmivé ãsámvú ũkú rĩ be rĩ adri ũnjí, anjiŋá mívé rĩ pi ĩrivé rĩ be, kộpi ãsámvú rĩ adri ũnjí. Ĩrivé mvá ágó ri ímụ́ mi gbã drị̃gé, mi ímụ́ mvá ágó rĩ ga pá gá.”

Múngú ní ꞌyozú ũkú rĩ ní kĩnĩ, “Sâ mí ní mvá tĩzú rĩ gé, ma sẽ mi ĩzãngã nya ambamba. Mí kãdõ mvá tĩí, ãzó ni ri ásó ambamba. Mi áwí ẹ́sị́ ꞌbã ku mí ágó ni drị̃gé, ꞌbo ĩri adri ãmbúgú mí drị̃lé gá nĩ.”

Mi ọ́mvụ́ ꞌã ũkpõ sĩ, ụ́rụ́ndẹ be, mi íbí ngá nya ndõ, cĩmgbá mí ní fizú gõzú nyọ̃ọ́kụ́ agá rĩ gé, ĩtĩkí nyọ̃ọ́kụ́ ĩ ní mi gbizú ãní, mi gõ fi nyọ̃ọ́kụ́ agá ũzi.”

Múngú ní ꞌyozú Ãdámã ní kĩnĩ, “Mí ní mívé ũkú ẽ tị yịị́, ãzini mí ní pẹtị ũꞌa má ní ꞌyoó, ‘Mî nya ku’ rĩ nyaá rĩ sĩ, “Á tri nyọ̃ọ́kụ́ rĩ gí, mî tã sĩ. Sâ mí ní adrizú ídri rú rĩ gé, mi ọ́mvụ́ ꞌã ũkpõ sĩ, ụ́rụ́ndẹ be, mí íbí ngá nya ndõ.

Múngú ní ĩri zịzú kĩnĩ, “Ãꞌdi lũ mí ní kínĩ mi pílílí rú nĩ? Mí nya pẹtị rĩ vé ũꞌa má ní ꞌyoó mî nya ku rĩ gí?”

Múngú kã kộpi droó fũú ọ́mvụ́ Ẽdénẽ vé rĩ agásĩ gí, ĩri ní mãlãyíkã rĩ pi ꞌbãzú ọ́mvụ́ rĩ vé wọ̃ọ́kọ̃ ụ̃tụ́ ní ĩfũngárá gálé rú rĩ gé, ãzini ĩri ní ị́lị́ ãco sị́ be dị̃ị́pi lọ̃wụ̃ lọ̃wụ̃ ãcí rú ni ꞌbãzú, ĩri ẹ́cị́ ọ́mvụ́ rĩ agásĩ kụ́rụ̃, ã ũtẽ rí lẹ́tị mụụ́pi pẹtị ídri sẽépi rĩ gé rĩ.

Ãdámã ꞌda ꞌî ũkú ni ã rụ́ Évã ꞌi, ãꞌdiãtãsĩyã ĩri adri ẹ́ndrẹ́pị ꞌbá ídri rú rĩ pi vé ni céré.