Popular Bible Verses from APOSELENA YULU 2

Share

Dokopa Pitame nakama lamaiyuo dopa leya. Nakamame mona enenge palyapala Yesu Koraisana kingi dokona lao nakamana koo dupwa Anatumi nyuo kame sakapyali lao suu pyapala bapitisimo nyelapape. Dokopa nakama Imambu Poo Pyasi jeramo nyerami leya.

Dokopa nakamame aposele dupwana mana pii sokondali pyuo nenge yalya kando nao ateŋa lao pyuo peteyami.

Dokopa nakama peparae Imambu Poo Pyasi palyuo simbuya. Simbwapala Imambu dokome renge kuiyuo leyamuli pyuo pii rara wakale leyami.

Dokopa pii mende porambaiye dopale poo lao yake dokona piso epeyamo siyami. Epo andakare peteyaminyi dokona lao buu minyiya. Dokopa isare kekenge dopale lapo dupwa pano epo nakama peparaena yanenge keta wakale wakale rao siya. Dokopa nakama peparae Imambu Poo Pyasi palyuo simbuya. Simbwapala Imambu dokome renge kuiyuo leyamuli pyuo pii rara wakale leyami.

Nakama yuu peparae kaeya nao tembole anda dokona role pyapeta pao nakamana anda dupwana borete nyuo kau lao nao mona karo anjiki pyuo kareyami. Nakamame Anatu lakando mee wambu dupwame nakama kando rae maiyaminyipa kareyami. Dokopa yuu yangeyamo yaka lao Kamongome suu piyamuli pyuo wambu lapo lete wai pyao nyepapu piyamopa nakama kareyami dokona konda pipa piya.

Anatu dopa letamo. Yuu gii lumwa piramo dokopa nambana Imambu wambu dupwa peparaena maralyinya lao mokwa soo mairu. Dokopa nakamana wanenge ikinyingipi dupwame nambana pii nolako larami. Nakamana wanyane akali dupwa pii repa repa pyuo kandarami. Nakamana alemo dupwa kombeya pirami.

Dokopa Yesu kapa ingingi lao suu pyao mona maiyuo kareyami wambu dupwame elyambu pyuo pisipala nakama rangena bange dupwa peparae wambu peparaena lao reteyami. Dopa pyuo yuu andape bange reteyami dupwa ropo pyao kana nyepala wambu aeya nayamo kareyaminyili pyuo mokwa soo maiyami.

Dokopa mendeme Kamongona kingi lapala baa lete wai pyao nyakapili lao lara ramo doko, baa nyiso pyuo nyera. Pii dopa leya Joeleme.

Neta doko iminjo rali pira. Kana doko ranjama ingyara. Wambo dopa piramopa enakana Kamongona yuu gii doko pyaka sera.