Popular Bible Verses from Matthieu 24

Share

Mbata né ke madjang bar nya, ndiki lo dooudjé baya a woul. A nè ke nwaa are ngeng sar ndò té ke goukou, nè na kinga kadji.

Da pa tar ke madji béh kö nèn dò nange té nèn toï to tar nadji kare gel dooudjé toï, gè té nèn ndò ke goukou a dé.

Sésè a koidjé dòò a to, ke a koidjé tar dòòna, edaidjé bel ang, mbata to tar lo né nèn ta kare dé, a gelè nai bai.

Mbata gel dooudjé a kï ta mbeté mare gel dooudjé, ke mè béh kö a kï ta mbeté mare béh kö. Boo biriri a kö loou, dò nange a yè loou dang dang. Yèn toï to kounkoutou né ongou ba.

Dara ke nange a ndai, a tar lom a ndai ang.

Mbata maredjé tokou baya a dé ke rim pana, Mam nto Christ, ke dèdè da kere maredjé nya.

Bana dèdè da kwaasè ta kare né ongou dasè, ke da tòlsè, gel dooudjé toï a mbetésè mbata rim ndja. Ke maredjé tokou baya a tél, ke da toulana horodè té, ke da mbeténa horodè té. Mare prophètedjé nya ke to ndjè ngemdjé a kï, ke da kere maredjé nya.

Jésus tél tar aredè pana, Ngemidjé madji baa doou kada eresè ang.

Tokou ban sésè asidjé ngem tò, mbata Ngon lo doou a dé ke kade ke sésè ngebidjé ang.

Tokou ban ngemidjé, mbata sésè egeridjé ang ndò ke Mbaibé Seigneur losè a dé.

Tar ke ndè té ke nou, aséh kade ke nou, doou kada geré ang, angedjé ke dara aséh Ngon ndja geré ang, sè Bòi Allah kadaba geré.

Mbata lo christidjé ke ndjè ngemdjé ke prophètedjé ke ndjè ngemdjé da dé, da da tokou né tòdjou ke né ta da baa kare mè dooudjé ounda dò biä, ta tòdjou deo kere kare dèdè ke Allah bardè ke daka, tokou dase ta da tokou ban.

Deo kadaba tokou to ndò té lo Noè, a to tokou ban ndò ke Ngon lo doou a dé. Mbata deo kadaba ke ndò té ke nou, dongor man ndi ke boui dé, tokou dèdè dön mourou ke daih, dèdè ntaa dènèdjé ke dare dènè dingaodjé nderèng ndò té ke Noé ao mè to té. Dèdè ngeré ang nderèng man ndi ke boui dé ao kedè toï, a to tokou ban ndò ke Ngon lo doou a dé.