Popular Bible Verses from Matiyu 7

Share

“Nɔɔ gaa ta ka naa Laa, a nɔɔ katɔ. Nɔɔ kãa ta, nɔɔ ti ĩi katɔ. Nɔɔ ɓáa nyaa ta, Laa kasɛ nɔɔ nyaa katɔ.

Ka ruu ɓɔɔ, zang piti ɓɔɔ gaa vuu ka naa ɓiɓɛ, walɛ katɔ ɓɛɛ. Zang piti ɓɔɔ kãayi ti ĩi katɔ. Zang piti ɓɔɔ ɓáa wu nyaa, kasɛ wu nyaa katɔ ɓɛɛ.

“Zang piti ɓɔɔ tãa ruu mɛɛ keɓe, a ti palɛ vuu ɓɔɔ wu tãayi, nwang naa zang zũnang ɓɔɔ mãa gãa ɓiɓɛ ka yuu pɛngkɛ ɓɛɛ.

Ka ruu nɔngkɔ, vuu ɓɔɔ nɔɔ kasɛ nɛɛ zang ri palɛ nɔɔ, nɔɔ palɛ ri doo nɔngkɔ. Ruu keɓe kɔ, Labeenang Laa ɓɔɔ Musa beeyi nɛɛ vuu ɓɔɔ zang nyaa shonang Laa ri kɔɔ ka tĩng tɛ̃ɛ tɛ̃ɛ ɓɛɛ.

Gbalang ɓɔɔ zang daa nɔng suru bii ɓɔɔ waa nyaa kpang nɛɛ mani, kpãa dɔɔli, nyaa gãa ɓɔɔ zang daa nɔng ɓi ti tɔ̃ntɔ̃rɔng. Zang ɓɔɔ ri ĩi gbalang kaɓa, ri shang kpang.

“Nɔɔ tú nɛɛ nyaa gãa ɓɔɔ tɔ̃ntɔ̃rɔng ɓɛɛ, ka ruu ɓɔɔ, nyaa gãa ɓɔɔ daa ka nɔng vɔrɔ, bang ɓi katɔ ɓɛɛ. Gbalang ɓɔɔ zang daa nɔng vɔrɔ kaɓa nɛɛ mani, ti kpãa ɓi kpang. “Zang ɓɔɔ ri tú nɛɛ nyaa gãa keɓe dɔɔli.

Ɓɔɔ nɔɔ shi kpang, naa nɔɔ zunung ɓɔɔ nɔɔ a wujɛ manɛ vuu ɓɔɔ tɔ̃ɔ katɔ, Daa manɛ ɓɔɔ ka lapa, a zang ɓɔɔ ri gaa wu vuu tɔ̃ɔ ɓi kpang ya?

“Nɔ́ɔ jɛ̃̀ɛ zang ruu kpang, tɔ̀ɔ, Kpanti Laa wu ti naa jɛ̃ɛ nɔɔ ruu kaa takpang kɔ doori. Ka ruu ɓɔɔ, naa ɓɔɔ nɔɔ jɛ̃̀ɛ zang ruu, Kpanti Laa naa jɛ̃ɛ nɔɔ doo nɔngkɔ ɓɛɛ. Waka ɓɔɔ nɔɔ mã zang vuu nɛɛ mani, Laa naa mã nɔɔ manɛ, doo nɛɛ wukɔ.

A shɔnzang ɓɔɔ tãa ruu mɛɛ keɓe, a palɛ vuu ɓɔɔ wu tãa kpang, nwang naa zang ɓɔɔ zũng kpang ɓɔɔ mãa gãa ɓiɓɛ ka yuu seseele ɓɛɛ.

“Ka ruu vi, mɔɔ shing jĩng ka zũng laa ɓɔɔ ka jĩng ɓaazung kɔ shɛ̃ɛning, mɔɔ yee laa ɓáa ka lawaa bang ɓɔɔ ka jĩng ɓaaɓɛ kpang viya? Mɔɔ kɔɔ ɓaazung ɓu ka biya, nɛɛ, ‘N kaaɓi n zɔ̃ng mɔɔ zũng laa tɔkɔlɔng ɓɔɔ ka jĩng ɓaaɓɛ, a mɔɔ yaa lawaa ɓɔɔ bang ka jĩng ɓaaɓɛ, ka nɔngkɔ viya?’

“Nɔɔ gãng jĩng ka zang sèé ɓɔɔ ri tɔɔ, ri zang nyaa shonang Laa ɓɛɛ. Ri a ka bii manɛ náa mɛ̀ɛrɛ́ ɓɔɔ pálɛ̀ zang vuu kpang ɓɛɛ, a yeti ɓarɛ nwang naa zaa wisi ɓɔɔ jĩng raa ri katɔ ɓɛɛ. Nɔɔ zi ri núng ka vuu ɓɔɔ ri palɛ ɓɛɛ. Zang hã́ mangɔrɔ katɔ ka kɔkɔ gbantang ya? Zang ti hã jaa sĩiri katɔ nɛɛ bii daapaajong ya?

Laa ɓɔɔ tɔ̃ɔ, ra jaa ɓi doo tɔ̃ɔ kɔ. Laa shi kpang, ti ra jaa ɓi doo shi kpang kɔ.

Laa tɔ̃ɔ, ra jaa shi kpang ɓi jong kpang. A ɓɔɔ shi kpang ti ra jaa ɓɔɔ tɔ̃ɔ ɓi doo kpang kɔ.

Laa piti ɓɔɔ ra jaa tɔ̃ɔ kpang, zang dɔngnɛ, zang tasɛ ka waa.