Popular Bible Verses from Yohana 10

Share

Unde ti riyib ku ru ba ikyaen ti wu u yib iken. Awu ku wen unde. Awu ku ye iken ndembeb ndembeb ama. Ana-m ame ba ikyaen ti ande na tu unyang – unyang ti rimunn-yi.

“Ame ti si ukwe asinn ti ti shi. Unde ti ku nungkyi asinn nyinyang ku cwe ti wu na u cwu ikyaen iken ti shi-wu.

Iwen-m ku fxen afxenjwin-m, ame ama nung pu m aba, aba ama ku putsa m.

Ame ku nda ba unyang ti tsi kukunn, aba u cwu-ba cwu cwucwo be, ama unde iki ta-wu ti wu u rwae mbe ba ru uwog-m be ama.

Ame ti si ufu kusog. Unde titini ti a ru tsa uwog-m u sang uwae, awu u tu itinwangru. Awu u sang u ruye, ama u tu uwog ti irum shab pyipyipyab.

Ame ti si ukwe asinn ti ti shi. Ame nung pu m mbawen-m ayi. Ayi ama nung pu yi ame.

Itse-m, awu ti sa ba na m kujwo, awu skeb pu wu iken meme ti kuko. Ikyaen yine, unde iki ta-wu ti wu u jae mbe yi ru kujwo Itse-m be. Ame ti Itse-m si iken kinjo.”

Pangma ti Itse-m nung me, ame ama nung Itse-m. Ame cwe ti m na u cwu ikyaen ti aba na nwangru.

Si-yi unde iki ti u sa ruye unyang-m be. Ame ti cwe u sa ruye wu ti kujwo-m. Ame site kuko ti m u sa ruye unyang wu, ame site kuko ti ame u sa wu kafe sang ti atang. Itse-m ti nda m kuko yine.”

Ikyaen yine Yesu ri te ba baa, “Ame ku ri te ni kubenti, ame ti si ufu rukug mbawen ayi.

Unde ti a yiyae ba, mbawen yi si-yi ana-wu be. Kiye ti awu a nung mbuku ru ku ba, awu u ter ru u ya iwen yi ta. Ama mbuku ba ku ye mbawen yi, ayi ama u ter yaen shag kyi fe kutur meme.

“Ame ku ri te ni kubenti, asiti unde a ku sha ti wu na sang rukug mbawen, awu a sang-wu ufu rukug mbawen be, u ru ka tso kiye iki, unde wune si unde ti riyib.