Popular Bible Verses from Yohana 16

Share

Ame ri ira yine te ni ikyaen ti uwae ijwe ti ren ti ani ren te m, ani u tu utob ti nae riben uwog-m. Utense u nda ni rikaen. Amaa ni tsi ti ribom utob. Ame ci pu m rika risu utense wune.”

Kiye ti Kusung Rimam a ru ba, awu ti ku tatso ande ira ti kubenti Rimam. Awu u nda ni nungye ira ti kubenti risu iken meme. Awu u ri-wu ira ti risu-wu be, ama awu u ri ira risu iken ti awu fxen uwog Rimam.

Ru ba ku fob tine ani jwam-ni awu iken iki yi rinyi-m khika be. Ni jwam wu, ikyaen ti utob ti tsen-ni ā tsen tag.

Amaa ame ku ri te ni kubenti, ayi nyang skeb uwog-ni ti ame u ru, ikyaen ti, asiti ame a ru-m be, Awu Itindeya ti u ba ndeya ni u ba-wu uwog-ni be. Amaa asiti ame a ru, ame u tom wu ru ba yi uwog-ni. Kiye ti awu u ru ba, awu u tatso ande ira ti kubenti ikyaen ti a na nungye iken ti si ikentitibi, ti iken ti si iken ti tinyang uwe Rimam. Aba u ru ba nungye baa, rikwen na Rimam na ru ku ba risu-ba.

Ayi si ahan ama te ni. Ani ku byir utob tine, amaa kiye ku ba ti ame u ba nungkyi uwe-ni. Uwae kiye wu utob-ni u tsen timambe. Utob ti tsen ayi, unde iki u fxae mbe tu-wu ayi be. “Kiye wu, ani u jwam-ni ame iken iki be. Ame ku ri te ni kubenti, meme iken ti ani a jwam uwog Itse-m yi rinyi-m, awu u nda ni.

Ame ku ri te ni kubenti, ani u jwub ira u ten aten si ayib. Ande ti nung-ba ame be u tsen utob. Ama isim-yi, utob-ni ti tibyir u kafe utob titsen.