Popular Bible Verses from Paikhiatna 6

Share

Tua ahi ciangin Israel mite kiangah, ‘Keimah TOPA ka hi a, Egypt-te hakkol nuai panin note kong paikhiatpih ding hi. Amaute khuta sila suahna pan kong tankhia dinga, khut zankhiatna le thukhenna vangliatna nasep tawh note kong tan ding hi.

Note, ka mi dingin kong la dinga, note’ Pasian ka hi ding hi. Tua ciangin keimah TOPA note Pasian Egypt-te’ hakkol nuai pana hong lakhia pa ka hilam na thei ding uh hi.

Keimah in Abraham tung, Isaac tung le Jacob tungah kong pia ding hi, ci-a khut zan-a ka ciamsa leitangah note kong puak ding hi. Note tanh dingin kong pia ding hi. Keimah TOPA ka hi hi, ci hi,’ ci-in gen un," a ci hi. Moses in hih thu Israel mite tungah ko a, ahi hangin amaute in amau lungkiatna le sila-a a kikhelbawlna hangin a thu a ngai nuam kei uh hi.

Tua ciangin TOPA in Moses kiangah, "Tu-in Pharaoh tunga ka hih ding na mu ding hi: A thahat ka khut hangin amaute a paisak ding hi; a thahat ka khut hangin ama gamsung panin amaute a hawlkhia ding hi," a ci hi.