Popular Bible Verses from Эвел 25

Share

РАББИЙИ дугъаз гъапи: – Фунин халиъ кьюб халкь аяв. Яв халиан удучӀвиди кьюб халкь. Саб халкь тмунубтӀан гужал хьибди, хъа аьхюнур бицӀинурихъ лихиди.

Дугъу Якьубдиз: – Уву гьязур апӀурайи уьру хурагнакан узуз чава! – кӀуру. – Гашу йикӀуразу! Магьа гьаддиз дугъаз Эдум («уьрур») кӀуру.

Исакь чан хпирихъанди, веледар бадали, РАББИЙИЗ ккарагуру, фицики Ребека бицӀидар шлур дайи. РАББИЙИЗ дугъан ккарагбар гъеерхьнийи ва Ребекайик бицӀидар киршнийи.

– Узу гашу йикӀуразу! – гъапи Исавди. – Узу аьхюнур ву кӀури, узуз дидкан айиб фу вухъа? – Гьамусяаьт ху апӀин! – кӀуру Якьубди. Исавди, Якьуб аьхюнур ву кӀури, ху апӀуру ва чан аьхювалихьан шулу.

Кьяляхъди, Исавдин швякьхъан хилихьди ижмиди хъичӀихну жара бицӀирра удучӀвуру. Дугъаз Якьуб («швякьлихъан хъичӀихнайир») кӀуру ччвур тувнийи. Дурар бабкан шлуган, Исакьдин йирхьцӀур йис вуйи.

Исакьдиз Исав ккундийи, гьаз гъапиш дугъу хру хюрчнан йикк ицциб шуйи, хъа Ребекайиз ккунир Якьуб вуйи.