Popular Bible Verses from Югьан 10

Share

Хъа тӀафал саб апӀуз гъюри шулу: гьитӀибкӀбан бадали, йибкӀбан ва пуч апӀбан бадали. Узу гъафунза гьацдариз уьмур хьади, варибдиъ – абцӀу уьмур.

Узу гъяни Габан вуза. Дицир ужур габни марччар бадали чан уьмур тувру.

Йиз марччариз Йиз дих ебхьуру ва Узуз дурар аьгъязуз, дурар Узухъди гъюру.

Узу тувдиза дурариз гьаргандин уьмур, дурар аьсрариъра йихдар, дурар Узхьан сарира гьитӀикӀдар.

УрчӀар – Узу вуза. Фуж Узʼантина учӀвиш, дюрхну хьиди. Гьацир УрчӀаризди учӀвди ва дилинтина удучӀвиди, гьацириз чаз ипӀруб алишв бихъиди.

Узу ужур Габан вуза: Узуз Йиз марччар аьгъязуз ва Узура Йиз марччариз аьгъя.

Йиз Адаш варидартӀан зурба ву. Гьаддиз дурар Йиз Адашдихьан сарихьанра дадагъуз хьибдар, хъа Узуна Йиз Адаш сар вуча.

Адашдиз Узу фици аьгъяш, гьаци Узуз Адашра аьгъязуз. Узу Йиз уьмур марччарихъанди тувдиза.

Йиз уьмур сарира дадабгъидар, Узу Йиз хушниинди думу тувраза. Думу тувуб Йиз ихтиярнаъ, думу, кьяляхъ гъадабгъубра Йиз ихтияриаъ айиз. Думу гьаци Узуз Йиз Адашди улупунзуз.

Исайи давам апӀуру: – Гьякьлу вуйи гьякь кӀуразачвуз: марччариз урчӀар – Узу вуза.

Хъа гъирагъдилан дуфнайир – думу габан дар, дицириз марччар жарадар ву – жанавар лижахьна багахь шулайиб гъябкъюбси, марччара гатӀахьуру ва гьергрира ву. Жанаври дурар дисуру ва чӀяргъюру.

– Гьякьлу вуйи гьякь кӀуразачвуз: фуж марччаринишваъ урчӀариан дарди, фици-вуш жараси учӀвруш, думу тӀафал ва тӀарашчи ву.