Popular Bible Verses from Лука 11

Share

Гьаци вуйиган, учву пис адмийир вушра, ичв веледариз ужуб тувуз удукьруган, аьршариин али Адашдихьан, хъанара ужуди, Чахьан ча кӀурудариз Аллагьдин Рюгь тувуз хьибди.

Узу кӀуразачвуз: ча йипай – тувдичвуз; абгай – бихъидичвуз; раккник кучай – абццдичвуз.

Гьарсар ча кӀурайириз тувди; абгурайириз бихъиди; кучрайириз абццди.

Дугъу дурариз гъапи: – Ккарагруган, йипай: Я ич Адаш! Яв ччвур гирами ибшри; Яв Паччагьлугъ улубкьри

Ич гунгьариланра хил алдабгъ, учура гьарсар учуз буржлурилан хил алдабгъури шулча; хъа учу тямягьариъ мааан.

Гьарсаб йигъаз учуз лазим вуйи уьл ча

Бедендин чирагъ ул ву, гьаци вуйиган, эгер яв ул марцциди вуш, яв вари беденра акуди хьибди. Хъа эгер яв ул чӀуруб вуш, яв беденра мучӀуб хьибди.

Сарира, чирагъ кабхьну, жини йишвахь дивдар, я дидʼин гъаб иливдар, хъа, хулаъ учӀврайидариз акв шлуси, чан йишвʼин дивру.