Popular Bible Verses from Лука 5

Share

Чан улхуб ккудубкӀиган, Исайи Симондиз кӀуру: – Яв лютке гьюлин кьялариз хъапӀ, хъа яв чулра ккип.

Симонди Исайиз жаваб вуди гъапну: – Я Мялим! Ярхи йишвди чалишмиш духьну, учхьан фукӀа бисуз гъабхьундарчухьан, амма Яв гафназ лигну чул ккипарза. Хъа гьаци дапӀну, дурари гьадмукьан балугъар гъидиснуки, гьеле чул чӀябгъюзра цӀибтӀан имдайи.

Хъа Иса, фужкӀа адру йишвариз гъягъюри, ккарагури шулу.

Узу марцци касари ваъ, хъа гунагькрари, чпин гунгьар гардандиъ дидисну, уьмур дигиш апӀбан бадали, дуфнайир вуза.

Му гъябкъиган, Петр кӀуру лакӀам хъайи Симонди, Исайин кьамкьариина ис духьну: «Я Агъа! Узхьан гьудучӀв, гьаз гъапиш узу гунагькар вуза», гъапи.

Исайи дурариз жаваб вуди гъапну: – Духтир сагъидариз ваъ, хъа аьзарлуйириз лазим ву.

Хъасин кьюбиб люткйирра гъирагъдихъна кадагъну, вари душваъ гъибтну, дурар Исайин кьяляхъди гъягъюру.

Иса саб шагьриъ айиган, Дугъахьна хамран аьзар кабхьнайи сар кас гъюру. Иса гъяркъиган, жилʼина ккадакну, думу Дугъаз ккарагуру: – Я Агъа! Увуз ккун гъабшиш, узу марцц апӀуз шулвухьан. Исайи, хил гьачӀабккну, дугъак кубкӀну, кӀуру: – Ккундузуз, марцц йихь! Ва дишлади дугъан хам аьзарнахьан марцц шулу.

Амма гьаци вушра, Исайикан аваза гъарабгъу, ва Дугъахъ хъпехъуз, чпин уьзрар сагъ апӀуз гизаф халкь гъюз хъюгъру.