Popular Bible Verses from Лука 7

Share

Магьа гьаддиз кӀуразавуз: чан гизаф ккун хьували дугъан аьхючӀвеъ гунгьарилан хил алдабгъурайиб улупура. Хъа шлиз цӀибди багъишламишʼвал тувруш, дугъан ккунивалра цӀибтӀан дар. Дишагьлийиз Исайи кӀуру: – Яв гунгьарилан хил алдабгъна.

Исайи, кӀуруш, дишагьлийиз гъапи: – Яв хъугъували уву гъюрхну, архаин духьну гъарах.

Исайин ликарихъ дийигъну ишури, Дугъан ликар нивгъарихъди кьяши апӀури ва чан кушарихъди марцц апӀури, Дугъан ликариз макар апӀури, гьадму ягъ ктатури шулу.

Гьаддиз узу Увухьна гъюзкьан жвув лайикьлур вуди гьисаб гъапӀундарза. Анжагъ Уву саб гаф йип, ва йиз гъуллугъчи сагъ хьиди. Фицики узура жарарин хликк ккайир вуза, ва узуз мютӀюгъ вуйи эскрарра азуз. Дурарикан сариз узу «гъарах» кӀурза – думу гъягъюру, тмунуриз «гъач» кӀурза – гъюру, йиз гъуллугъчийиз «гьамци апӀин» кӀурза, дугъу тамам апӀуру. Му гафар гъеерхьиган, Иса дугъʼин мюгьтал шулу ва, илдицну, Чан кьяляхъ хъайи халкьдиз кӀуру: – КӀуразачвузки, Израилиъра Аллагьдихъ гьамкьан хъугърайи кас гъяркъюндарзуз.

Му вахтназ Исайи аьзарарикканна иццрушнариккан гизафдар ккадаъну, жинар кадаъну, аьхючӀвеъ кур вуйидариз акв улупну айи. Гьаддиз Исайи дурариз жаваб вуди кӀуру: – Душну Ягьʼяйиз, учвуз гъяркъдар ва гъеерхьдар кидитай: кур вуйидариз рябкъюра, ликудар лицура, хамран уьзур кайидарин хам марцц шула, кар вуйидариз ебхьура, гъачӀидар чӀиви шула ва касибариз Ужувлан хабар рабгъура.