Popular Bible Verses from John 19

Share

Jesus ēsa kī‑otahtam anima sōmināpoy otōn ohci ēkwa itwēw ēsa, “kīsihtāniwiw.” ēkwa ē‑tapahtiskwēyit kī‑ati-pōni-pimātisiw.

Jesus kiskēyihtam ēsa kahkiyaw kīkway kita-kī-tōtahk āsay ē‑kīsihtāt. ēkota ohci kita-tipipayiyik kihci-masinahikēwinihk kā‑itastēyik kita-tāpwēmakaniyik itwēw ēsa, “ninōhtēyāpākwān.”

Jesus ē‑wāpamāt okāwiya ēkwa anihi okiskinohamawākana kā‑sākihāt ēkota ē‑nīpawiyit, ōmisi itēw okāwiya, “tāpiskōc kikosis isi kitāpamāhkan.” ēkwa ōmisi itēw anihi kiskinohamawākana, “pēyakwan kikāwiy isi pamihāhkan.” ēkospīhk ohci kī‑kīwētahēw ta‑wīkiyit wīkihk.

māka ē‑otihtācik Jesusa, ē‑wāpahtākik āsay ēsa nipiyiwa, ēkosi namōya kaskikātēhwēwak ēsa. māka pēyak ana simākanis kī‑tahkamēw ēsa Jesusa ospikēkaniyihk, ēkwa mihko ēkwa nipiy ohcikawiniyiw ēkota ohci.

ēwako ōma ē‑kī-tōcikātēk kita-tipipayiyik kihci-masinahikan, “namōya kita-ispayihik kita-pīkonamoht oskana.” ēkwa kotakihk itastēw, “kita-wāpamēwak anihi kā‑kī-tahkamācik.”

kī‑ati-wayawīhtahāw ē‑ati-nayōmāt opimitāskwahikana wayawītim-ōtēnāhk isi, nētē piyisk ē‑takohtēcik ispatināw “mistikwānikanihk” kā‑itamihk. (“Golgotha” Jewak otitwēwin kā‑isiyihkātek.)

simākanisak kī‑wāskānēnēwak okāminakasīwāhcikosa ē‑tēhtahācik ostikwāniyihk. ēkwa ē‑nīpāmāyātaniyik akohp kī‑akwanahwēwak ēsa.