Popular Bible Verses from John 21

Share

ē‑kī-mīcisocik, Jesus ōmisi itēw ēsa Simon Petera, “Simon okosisa John, kisākihin cī ispīhci ōki kotakak?” “ēha, kā‑tipēyihcikēyan,” itēw ēsa, “kikiskēyihtēn ē‑sākihitān.” Jesus itēw “mahti kitēyimik nimāyacihkosisimak.” kīhtwām mīna kakwēcimēw, “Simon okosisa John, kisākihin cī?” “ēha, kā‑tipēyihcikēyan, kikiskēyihtēn ē‑sākihitān.” Jesus itēw ēsa, “kitēyimik nimāyatihkomak.” mwēhci nistwāw ēkwa kakwēcimēw Jesus ē‑itāt ēsa, “Simon okosisa John, kisākihin cī?” namōya tāpwē cīhkēyihtam ēsa Peter ēkwa nistwāw ē‑kakwēcimikot, “kisākihin cī?” ē‑itikot. ēkosi ōmisi itēw ēsa, “kā‑tipēyihcikēyan, kahkiyaw kīkway kikiskēyihtēn; kikiskēyihtēn ē‑sākihitān.” Jesus itēw, “kitēyimik nimāyatihkomak.

ē‑tāpwēyān ōma kā‑wīhtamātān, ispīhk ē‑oskāyiwiyan kikī-wīcihison ē‑postayiwinisēyan, ēkwa piko ītē ē‑itēyihtaman kikī-itohtān. māka ēkwa kēhtēyiwiyani kā‑isiniskēyan namōya kikī-wīcihison piko ē‑postayiwinisahikawiyan ēkwa ē‑itāpēkinikawiyan itē ēkāya ē‑nōhtē-itohtēyan.”

ōmisi kā‑itāt ēsa, “mahti pakastawēhok ayapiy kihciniskihk itēhkē ēkwa kika-otahwāwāwak.” ēkosi pakastawēhwēwak ayapiya, ēkwa namwāc kī‑ocipitēwak iyikohk ē‑otahwācik mihcēt kinosēwa.

Simon Peter ēsa ōmisi itēw, “niwī-nitawi-pakitahwān.” “hāw kika-wīcētinān,” itik ēsa. ēkosi pōsiwak ēsa ōsi, māka kapē-tipisk ē‑pakitahwācik namōya kīkway ēsa otahwāwāwak.