Popular Bible Verses from Nikamowina 31

Share

sōhkikāpawik mīna sōhkēyimok kiyawāw kā‑pakosēyimāyēk kā‑tipēyihcikēt.

tāpitawi kikanawēyimin; pimācihin aniki ohci kā‑pakwāsicik, mīna aniki kā‑kitimahicik.

tāpwē kihcēyihtākwan kimiywātisiwin, ē‑kanawēyihtamawacik aniki kā‑kihcēyimiskik! kahkiyaw awiyak kiskēyihtam kimiywātisiwin, kwayask ē‑kanawēyimacik aniki kā‑mamisītotāskik.

māka kiya kimamisītotātin, kā‑tipēyihcikēyan; nititwān, “kiya ōma nikisē-manitōm.”

kiya tāpiskōc asiniy ē‑tipinawāsimoyān mīna tāpiskōc ē‑pīhtikwēyāmoyān ē‑sōhkahk wāskāhikan; kiskinohtahin mīna nīkānohtahin kā‑kī-isi-asotamawiyan.

nipakitēyimison kipamihiwēwinihk. kika-pimācihin, kā‑tipēyihcikēyan; kimamisīwātisin kisē-manitow.

sākihihk kiyawāw kā‑mamisītotawāyēk kā‑tipēyihcikēt. kā‑tipēyihcikēt nākatohkēw anihi kā‑tāpwēwakēyimikot, māka mākohēw anihi kā‑ayiwākēyimisoyit wiya ē‑kaskihtamāsoyit.

kipē-nātitin, kā‑tipēyihcikēyan, kita-kanawēyimiyan; ēkāya wīhkāc nika-sākōcihikawin. kiya kikwayaskwātisin, kisē-manitow; kimawimostātin kita-pimācihiyan!