Popular Bible Verses from Nikamowina 37

Share

kā‑tipēyihcikēt ohci miskamāso miywēyihtamowin, ēkosi kika-miyik ē‑isi-nitawēyihtaman kitēhihk.

pakitēyimisōstaw kā‑tipēyihcikēt; mamisītotaw, ēkosi kika-wīcihik

sāsīpēyihta ē‑pēhat kā‑tipēyihcikēt kita-waskawītotahk; ēkāya mikoskātēyimik aniki kā‑wēyōtisicik ahpō aniki kā‑miyopayihikocik okakayēyisiwiniwāwa ohci.

mamisītotaw kā‑tipēyihcikēt mīna miyo-tōta; ēkosi kika-wīkin askīhk ēkwa kika-nākatohkātikawin.

kā‑tipēyihcikēt kiskinohtahēw awiya tānitē kita-itohtēyit mīna kanawēyimēw anihi kā‑nahēyihtamihikot. kīspin pahkisiniyici namwāc kita-mēcimwātapiwak, ayisk kā‑tipēyihcikēt kita-pasikōnēw.

ē‑wāsēskamāsk kikwayaskwātisiwin kita-kīhkāyāstēw tāpiskōc āpihtā-kīsikāwi-pīsim.

ēkāya mikoskātēyihta ahpō ēkāya kisiwāsi, kika-ati-māyi-tōtākon.

nikēhtē-ayiwin ēkwa; wiya kinwēs ē‑pimātisiyān, māka namwāc nitōhci-pē-wāpamāw awiyak kā‑kwayaskātisit kita-wēpinikot kā‑tipēyihcikēyit ahpō otawāsimisa kita-papāmi-natotamāyit kita-mīcisoyit.

ēkāya kika-mikoskātēyihtamihikwak omaci-tōtamowak; ēkāya ohtēyimik aniki kā‑wanitōtahkik.