Popular Bible Verses from ᒉᓂᓯᐢ 32

Share

ᐁᑯᓯ ᑭ ᐃᑎᐠ, ᓇᒪᐃᐧᔭ ᐁᑲᐧ ᒉᑲᑊ ᑭ ᑲ ᐃᓯᔨᐦᑳᓱᐣ, ᒫᑲ ᐃᐢᕒᐁᐃᓬ; ᒋᑫᒫ ᑖᐱᐢᑯᐨ ᑭᐦᒋ ᐅᑭᒫᐤ ᑭᐟ ᐃᓯ ᑲᐢᑭᐦᐁᐃᐧᓯᐢᑕᐋᐧᐤ ᑭᓭᒪᓂᑐ ᒥᓇ ᐊᔨᓯᔨᓂᐊᐧᐠ ᒥᓇ ᐁ ᑭ ᓵᑯᑖᐧᔭᐣ.

ᑭ ᐃᑎᐠ ᒫᑲ, ᐸᑭᑎᓂᐣ ᑭᑕ ᓯᐯᐧᑌᔮᐣ, ᒋᑫᒫ ᓵᓴᐩ ᐯᑖᐸᐣ. ᑭ ᐃᑌᐤ ᒫᑲ, ᓇᒪᐃᐧᔭ ᑭ ᑲ ᐸᑭᑎᓂᑎᐣ ᐹᑎᒫ ᐱᑯ ᓴᐁᐧᔨᒥᔭᓂ.

ᑭ ᐯᔭᑯᐢᑲᑖᐤ ᒫᑲ ᒉᑲᑊ; ᐁᑯᑕ ᒫᑲ ᑭ ᒫᓯᐃᐠ ᓈᐯᐊᐧ ᐱᔨᐢ ᐁ ᐯᑖᐸᓂᔨᐠ.

ᒉᑲᑊ ᒫᑲ ᐱᓈᔭᓬ ᑭ ᐃᓯᔨᐦᑳᑕᒼ ᐁᑯᑕ; ᒋᑫᒫ, ᑭ ᐃᑌᐧᐤ, ᒧᓯᐢ ᐅᑳᐧᑲᓂᕽ ᓂ ᑭ ᐋᐧᐸᒫᐤ ᑭᓭᒪᓂᑐ ᐁᑯᓯ ᐁᔨᐁᐧᕽ ᐁ ᐱᒫᑎᓯᔮᐣ.

ᐃᐢᐱ ᒫᑲ ᐃᐧᔮᐸᐦᑕᒥᔨᐟ ᐁᑳ ᐁ ᑭ ᓵᑯᐦᐃᑯᐟ, ᑭ ᓵᒥᓇᒥᔨᐊᐧ ᐅᑐᑲᐣ; ᒉᑲᑊ ᒫᑲ ᑭ ᑯᑎᑯᐸᔨᔨᐤ ᐅᑐᑲᐣ ᒣᑳᐧᐨ ᐁ ᒫᓯᐋᐟ.

ᐅᒥᓯ ᒫᑲ ᑭ ᐃᑎᐠ, ᑖᓂᓯ ᐁᓯᔨᑳᓱᔭᐣ? ᑭ ᐃᑌᐧᐤ ᒫᑲ, ᒉᑲᑊ.

ᒉᑲᑊ ᒫᑲ ᑭ ᑲᑫᐧᒋᒣᐤ ᐅᒥᓯ ᐁ ᑭ ᐃᑖᐟ, ᐃᐧᐦᑕᒪᐃᐧᐣ ᑭ ᐸᑯᓭᔨᒥᑎᐣ ᐁᓯᔨᑳᓱᔮᐣ. ᑭ ᐃᑎᐠ ᒫᑲ, ᑫᑲᐧᐩ ᐅᐦᒋ ᑳ ᑲᑭᐧᒋᒥᔭᐣ ᐁᓯᔨᑳᓱᔮᐣ? ᐁᑯᑕ ᒫᑲ ᑭ ᓴᐁᐧᔨᒥᐠ.

ᓇᒪᐋᐧᐨ ᓂ ᑌᐱᑲᐢᑭᑕᒫᓱᐣ ᑳ ᒫᐊᐧᒋ ᐊᐱᐢᑌᔨᑖᑲᐧᕽ ᑭᓭᐋᐧᑎᓯᐃᐧᐣ, ᒥᓇ ᑲᐦᑭᔭᐤ ᑖᐯᐧᐃᐧᐣ ᑳ ᑭ ᐃᓯ ᐋᐧᐸᐦᑕᐊᐟ ᑭᐟ ᐊᑐᐢᑫᔮᑲᐣ; ᒋᑫᒫ ᓂᓴᐢᑲᐅᐣ ᐱᑯ ᐁ ᑕᐦᑯᓇᒫᐣ ᓂ ᑭ ᐊᓱᐊᐧᐁᐣ ᐅᒪ ᒑᕒᑕᐣ, ᐁᑲᐧ ᒫᑲ ᓂᓴᐧᔭᐠ ᓂ ᐱᒥ ᒥᐦᒉᑎᐣ.

ᐁᐊᐧᑯ ᒫᑲ ᐅᐦᒋ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᓇᒪᐃᐧᔭ ᒥᒋᐊᐧᐠ ᐅᒉᐢᑕᑖᐩ ᑳ ᐅᒋᐸᔨᐠ, ᐊᓂᑕ ᐅᐸᐧᒣᐊᐧᑯᕽ, ᐱᔨᐢ ᐊᓄᐦᐨ ᑳ ᑭᓯᑳᐠ; ᒋᑫᒫ ᑭ ᓵᒥᓇᒣᐧᐤ ᒉᑲᐸ ᐅᑐᑲᓂᔨᐤ ᐁ ᐅᒉᐢᑕᑖᐊᐧᓂᔨᐟ ᑳ ᐅᒋᐸᔨᔨᐠ.

ᒉᑲᑊ ᒫᑲ ᑭ ᐃᑌᐧᐤ, ᑭᔭ ᐅ ᑭᓭᒪᓂᑐᒪ ᓄᑖᐃᐧ ᐁᑊᕒᐁᐋᒼ, ᒥᓇ ᐅ ᑭᓭᒪᓂᑐᒪ ᓄᑖᐃᐧ ᐋᐃᓴᐠ, ᑌᐯᔨᐦᒋᑫᔭᐣ, ᑳ ᑭ ᐃᓯᔭᐣ ᑭᐁᐧ ᑭᐟ ᐊᐢᑭᕽ ᒥᓇ ᓇᑕᐋᐧᐹᒥᐠ ᑭ ᐋᐧᑯᒫᑲᓇᐠ, ᑲᐧᔭᐢᐠ ᒫᑲ ᑭ ᑲ ᑐᑖᑎᐣ.

ᐸᐢᐯᐃᐣ ᑭ ᐸᑯᓭᔨᒥᑎᐣ ᐅᒋᐦᒋᕽ ᓂᒋᐋᐧᒼ, ᐅᒋᐦᒋᕽ ᐅᐦᒋ ᐃᓵ; ᒋᑫᒫ ᓂ ᑯᐢᑖᐤ, ᓂᐟ ᐊᐢᑖᓯᐣ ᑭᑕ ᐯ ᓂᐸᐃᐟ, ᒥᓇ ᐅᐦᐃ ᐅᑳᐃᐧᒫᐊᐧ ᐊᓯᒋ ᐊᐋᐧᓯᓴ.