Popular Bible Verses from ᓭᐣᐟ ᒑᐣ 15

Share

ᓂᔭ ᓱᒥᓈᑎᐠ, ᑭᔭᐋᐧᐤ ᒫᑲ ᐁ ᐸᐢᑫᑎᐦᑲᐧᓇᑭᓯᔮᐣ. ᐊᓇ ᐃᓴ ᑳ ᑭᑭᐢᑲᐃᐧᐟ, ᒥᓇ ᓂᔭ ᑳ ᑭᑭᐢᑲᐊᐧᐠ, ᐁᐊᐧᑯ ᒥᐢᑕᐦᐃ ᒥᓂᓯᐃᐧᐤ: ᒋᑫᒫ ᐁᑳ ᐃᐧᒉᐃᐧᔦᑯ ᓇᒪ ᑫᑲᐧᐩ ᑭ ᑲ ᑭ ᑐᑌᓈᐋᐧᐤ.

ᑭᑭᐢᑲᐃᐧᐠ ᓂᔭ ᐁᑯᓯ ᓂᔭ ᑭ ᑲ ᑭᑭᐢᑳᑎᓈᐋᐧᐤ. ᒣᐧᐦᒋ ᐁᑳ ᑫ ᑭ ᐃᓯ ᒥᓂᓯᐊᐧᕽ ᐁ ᐸᐢᑫᑎᐦᑲᐧᓇᑭᓯᐟ ᓱᒥᓈᑎᐠ, ᑭᐢᐱᐣ ᐁᑳ ᓴᑲᒧᐊᔮᑭ ᓱᒥᓈᑎᑯᕽ, ᐁᑯᓯ ᒥᓇ ᑭᔭᐋᐧᐤ ᓇᒪᐃᐧᔭ ᑭ ᑲ ᒥᓂᓯᐃᐧᓈᐋᐧᐤ, ᑭᐢᐱᐣ ᐁᑳ ᑭᑭᐢᑲᐃᐧᔦᑯ.

ᑭᐢᐱᐣ ᑭᑭᐢᑲᐃᐧᔦᑯ, ᒥᓇ ᓂᐟ ᐃᑌᐧᐃᐧᓇ ᑭᑭᐢᑳᑯᔦᑯ, ᐱᑯ ᑫᑲᐧᐩ ᑫ ᓇᑐᑕᒪᐁᐧᑫᐧ, ᐁᑯᓯ ᑫ ᑐᑕᒪᑲᐃᐧᔦᐠ.

ᓇᒪᐃᐧᔭ ᑭᔭᐋᐧᐤ ᑭ ᑭ ᓇᐊᐧᓱᓂᓈᐋᐧᐤ, ᒫᑲ ᓂᔭ ᑭ ᑭ ᓇᐊᐧᓱᓂᑎᓈᐋᐧᐤ, ᒥᓇ ᑭ ᑭ ᐃᑕᑭᒥᑎᓈᐋᐧᐤ, ᑭᑕ ᓇᑕᐃᐧ ᒥᓂᓯᐃᐧᔦᐠ, ᒥᓇ ᑭ ᒥᓂᓯᐃᐧᐃᐧᓂᐋᐧᐤ ᑭᑕ ᐊᔮᐠ; ᐱᑯ ᒫᑲ ᑫᑲᐧᐩ ᑫ ᓇᑐᑕᒪᐊᐧᐁᐧᑫᐧ ᐁᐧᔪᑖᐃᐧᕽ ᓂ ᐃᐧᔪᐃᐧᓂᕽ ᑭᑕ ᒥᔨᑯᔦᐠ.

ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᐊᔮᐤ ᐊᐊᐧᓯᒣ ᓵᑭᐦᐃᐁᐧᐃᐧᐣ ᐃᔨᑯᕽ ᐅᒪ, ᑭᑕ ᐸᑭᑎᓇᕽ ᐅ ᐱᒫᑎᓯᐃᐧᐣ ᐅᑐᑌᒪ ᐅᐦᒋ.

ᑕᐦᑐ ᐁ ᐸᐢᑫᑎᐦᑲᐧᓇᑭᓯᔮᐣ ᐁᑳ ᑳ ᒥᓂᓯᐊᐧᕽ ᐅᑎᓇᒼ; ᑕᐦᑐ ᒫᑲ ᑳ ᒥᓂᓯᐊᐧᕽ, ᐯᑭᑕᐤ, ᐊᐊᐧᓯᒣ ᑭᑕ ᒥᓂᓯᐊᐧᓂᔨᐠ.

ᐁᐊᐧᑯ ᐅᒪ ᓄᔭᓱᐁᐧᐃᐧᐣ, ᑭᑕ ᓵᑭᐦᐃᑐᔦᐠ, ᑳ ᑭ ᐃᓯ ᓵᑭᐦᐃᑕᑯᐠ.

ᐁᑯᑕ ᒫᑲ ᐅᒪ ᑫᐢᑌᔨᑕᑯᐃᐦᐟ ᓄᑖᐃᐧ ᒥᐢᑕᐦᐃ ᑭᑕ ᒥᓂᓯᐃᐧᔦᐠ; ᐁᑯᓯ ᒫᑲ ᑭ ᑲ ᐅᑭᐢᑭᓄᐦᐊᒪᐋᐧᑲᓂᒥᑎᓈᐋᐧᐤ.

ᓂᔭ ᐁᐊᐧᑯ ᑖᐯᐧ ᓱᒥᓇᑎᐠ, ᒫᑲ ᓄᑖᐃᐧ ᐁᐊᐧᑯ ᑭᐢᑎᑫᐃᐧᔨᓂᐃᐧᐤ.

ᑭᐢᐱᐣ ᐁᑳ ᐊᔨᓯᔨᓂᐤ ᑭᑭᐢᑲᐃᐧᒋ, ᑭᑕ ᐁᐧᐱᓈᐤ ᑖᐱᐢᑯᐨ ᐊᐧᑎᐦᑲᐧᐣ ᑳ ᐃᓯ ᐁᐧᐱᓂᑲᑌᐠ, ᐁᑯᓯ ᐁ ᐹᐢᑌᐠ; ᐁᑯᓯ ᐊᔨᓯᔨᓂᐊᐧᐠ ᒫᐊᐧᓴᑯᓇᒪᐧᐠ, ᒥᓇ ᒪᒍᐢᑌᐁᐧᐱᓇᒪᐧᐠ, ᐁᑯᓯ ᑭᓯᑌᐊᐧ.

ᐁᐊᐧᑯᓂ ᐅᐦᐃ ᑳ ᐊᔨᑎᑕᑯᐠ, ᓂ ᒫᒪᑖᑯᓯᐃᐧᐣ ᑭᑕ ᑭᑭᐢᑳᑯᔦᐠ, ᐁᑯᓯ ᑭ ᒪᒪᐦᑖᑯᓯᐃᐧᓂᐋᐧᐤ ᑭᑕ ᑭᓯᐅᒪᑲᕽ.

ᑭᐢᐱᐣ ᑲᓇᐁᐧᔨᑕᒣᑯ ᓄᔭᓱᐁᐧᐃᐧᓇ, ᑭ ᑲ ᐊᔮᓈᐋᐧᐤ ᓂ ᓵᑭᐦᐃᐁᐧᐃᐧᓂᕽ; ᒣᐧᐦᒋ ᑳ ᐃᓯ ᑲᓇᐁᐧᔨᑕᒪᐧᐠ ᓄᑖᐃᐧ ᐅᔭᓱᐁᐧᐃᐧᓇ, ᒥᓇ ᐁ ᐊᔮᐊᐧᐠ ᐅ ᓵᑭᐦᐃᐁᐧᐃᐧᓂᕽ.

ᐁᐊᐧᑯᓂ ᐅᐦᐃ ᑭᐟ ᐃᑕᓱᐋᐧᑎᑎᓈᐋᐧᐤ, ᑭᑕ ᓵᑭᐦᐃᑐᔦᐠ.

ᑭᐢᐱᐣ ᐊᐢᑭᕽ ᐅᐦᒋ ᑎᐯᔨᑖᑯᓯᔦᐠ, ᐊᐢᑭ ᑭᑕ ᓵᑭᐦᐁᐤ ᐊᓂᐦᐃ ᑳ ᑎᐯᔨᒫᐟ: ᒫᑲ ᐁᑳ ᐁ ᑎᐯᔨᑖᑯᓯᔦᐠ ᐊᐢᑭᕽ, ᒫᑲ ᐁ ᑭ ᓇᐊᐧᓱᓂᑕᑯᐠ ᐊᐢᑭᕽ ᐅᐦᒋ, ᐁᐊᐧᑯ ᐅᐦᒋ ᐊᐢᑭ ᑳ ᐸᑳᐧᑎᑯᔦᐠ.