Popular Bible Verses from sēnt cān 10

Share

kimotisk namawiya pē itohtēw, piko kita kimotit mina kita nipatākēt, mina kita nisiwanācihiwēt; niya māka ni pē itohtān kita ayācik pimātisiwin mina māka kita wēyoci ayācik.

niya omiyo kanawimāyatihkwēw: omiyo kanawimayatikwēw mēkiw o pimātisiwin māyatihkwa ohci.

ni māyatihkomak natotamwak nit itwēwin, ni kiskēyimāwak māka, ēkosi ni pimitisaokwak

ni miyāwak. māka kākikē pimātisiwin; ēkosi namawikāc kita nisiwanātisiwak, namawikāc mina awiyak ni kā kēcicihcēnik.

niya iskwātēm; kispin niya ohci awiyak ayisiyiniw pihtokēci, ēwako kē pimātisit, kita pitokēw māka mina kita wayawiw, kita miskam māka kē micit.

niya omiyo kanawimāyatihkwēw, ni kiskēyimāwak ni māyatihkomak, mina ki kiskēyimikwak kā ayāwakik

notāwi, kā miyit, māmawēyēs kihcāyiwiw; nama awiyak ayisiyiniw kita kaskitaw kita kēcicihcēnāt notāwiya. niya mina notāwi ni pēyakonān.

tāpiskoc kā isi kiskēyimit wēyotāwihk, ēkosi nista kā isi kiskēyimak wēyotāwihk: mina ni pakitinēn ni pimātisiwin māyatihkwak ohci.

nama awiyak ayisiyiniw ni maskamik niya tipiyaw ni pakitinēn. nit ayān kaskihēwisiwin kita pakitinamān, mina nit ayān kaskihēwisiwin kāwi kita otinamān. ēwako oma oyasowēwin kā miyit notāwi.

cisas māka mina omisi ki itēw, tāpwē, tāpwē, kit itināwāw, niya ot iskwātēmiwāw māyatihkwak.

māka kā mohci atoskēstākēt, ēkā kā okanawimāyatihkwēwit, ēkā kā tipiyawēwisit māyatihkwa, ē wāpamāt maikana ē pāpatāyit, ēkosi isi nakatēw māyatihkwa ē tapasit: ēkosi māka maikan otihtinēw, mina siswētisawēw māyatihkwa

tāpwē, tāpwē, kit itināwāw, ana ēkā kā pihtokēt ē isi iskwatēmiwahk māyatihkokamik, māka pitos ita ohci kospātawici, ēwako kimotisk mina omaskatwēsk.