Popular Bible Verses from sēnt lok 19

Share

cikēmā iyiniwikosisān ki pē itohtēw kita nanātonawāt mina kita pimāciwāt anihi kā wanihoyit.

ē itwēcik, kita miyokiswātaw kihci okimāw kā pē itohtēt o wiyowiniyihk kā tipēyihcikēyit; pēyatakēyimowin kihci kisikohk, mina mamahtākosiwin māmawēyas ispimihk.

ēkosi cisas ki itēw, anohc kā kisikāk pimācihiwēwin pē takosinomakan ota wāskāhikanihk, cikēmā wista ē okosisimikot ēprēama.

ispi māka cisas piyētakosihk ēkota, ki tastasāpiw, ē ki wāpamāt māka, ēkosi ki itēw, sākias, kiyipa, pē nitakosi, cikēmā anohc kā kisikāk ni ka kapēsin kikihk. ki kiyipi nitakosiw māka, mina miyawātamowinihk ē ki pitokaāt.

sākias māka ki nipawiw, ē ki itāt kā tipēyihcikēyit, cist, tēpēyihcikēyan, āpitaw ni tipiyawēwisiwina ni miyāwak okitimākisak; kispin māka ni nayētāwi tipahikēāw awiyak ayisiyiniw, nēwāw awasimē kawi ni miyāw.

ēkosi ātiht pārasiwa mēkwa ayisiyinināhk ohci ki itik, okiskinohamākēw, kitahamawik ki kiskinohamawākanak. ē naskwēwasimāt māka ki itēw, ki wihtamātināwāw, kispin oki kipitowēcik, asiniyak o ka pēhtākositāwāw.