Popular Bible Verses from sēnt mārk 10

Share

cikēmā tāpwē iyiniwikosisān ki pē itohtēw namawiya kita pamihiht māka kita pamihiwēt, mina kita mēkit o pimātisiwin mihcēt kita ohci pimātisiyit.

cisas māka ē kanawāpamāt itēw, ayisiyiniwak wiya namawiya kita ki kaskitācik, māka namawiya ēkosi isi wiya kisēmanito: cikēmā kahkiyaw kēkway kaskitāw wiya kisēmanito.

cisas māka ki itēw, sipwēhtē; ki tāpwētamowin ki ki minwāciikon. sēmāk māka ki wāpiw ēkosi ki ati pimitisawēw cisasa mēskanahk.

anima māka kisēmanito kā ki māmawitāt ēkāwiya ayisiyiniw kita nanāniscitāw.

ēkosi cisas ē kanawāpamāt, sākihēw, omisi māka ki itēw, pēyak kēkway ki kwitamān: niyā, atāwākē kahkiyaw kēkway kā ayāyan, ēkosi miyik okitimākisiwak, ki ka ayān māka wēyotisiwin kihci kisikohk: pē pimitisahon māka.

cisas māka ki naskwēwasimēw omisi ē ki itāt, kēkway nētawēyitaman kita totātān? ēkosi ana ēkā kā wāpit nāpēw ki itēw, rāponay, kita ki wāpiyān.

māka kiyawāw namawiya ēkosi kit isi ayānāwāw; māka tānāna ē wi kihcāyiwit oma kā itasiyēk, ki ka opamistākanināwāw

tāpwē kit itināwāw, awiyak ēkā otinaki kisēmanito ot otēnawiwin tāpiskoc apistawāsis, namawiya nāntaw isi ēkotē kita pihtokēw.

māka mihcēt kā nikānicik otāhk kita ayāwak; mina otāhk kā ayācik kita nikāniwak.

māka micimāc ē osiiwēhk nāpēaya mina nosēaya ki isi osiēw. ēwako oma ohci nāpēw kita nakatēw otāwiya mina okāwiya ēkosi kita wicēwāt wiwa; ēkosi ē nisicik kita pēyako wiyāsēwak: ēkwa namawiya nisiwak, māka pēyak wiyās.