Popular Bible Verses from Апостолмуд 1

Share

Әрүн Сәкүсн тадн деер бууһад ирхлә, чидл-күч авхит. Тиигәд Ерусалимд, цуг Йудьяд, Шамарьяд болн нань цуг һазрар нанд герч болхит.

Тернь келв: – Төрүц тана керг уга. Тер цаг кезә учрхиг һанцхн Бурхн мини Эцк шиидх.

Нег дәкҗ тедниг цуглрхла, Исус теднд закв: – Ерусалимас бичә һартн. Болв Мини Эцкин келсн Әрүн Сәкүс күләтн. Та Нанас энүнә тускар бас соңслат. Йохан тадниг уснд кирслв. Нег цөөкн хонгас тадн Әрүн Сәкүс авхит.

Эврән зовлң үзснәннь хөөн тер тедн тал кесг дәкҗ ирдг бәәҗ. Тиигәд Исус йосндан әмдрсән олн йовдлар дамҗад лавлҗ. Дөчн хонгин эргцд Исус Бурхна орн-нутгин тускар ирәд келҗәв.

Тиигҗ келлһнләнь, хәләһә бәәтл Исус деегшән теңгрүр өөдлҗ үүлн заагт уга болҗ одв.

Тедниг теңгрүр ширтҗ хәләҗәхлә, генткн хаҗуднь цаһан хувцта хойр залу күн үзгдв. – Һалилья һазрин залус, юуһинь теңгр тал хәләһәд зогсҗанат? Тадниг хәләһә бәәтл теңгрүр авгдсн Исус тер кевтән өөдлснләһән әдл хәрү бууҗ ирх, – гиҗ тедн келв.